اسلام آباد۔21اکتوبر (اے پی پی) وزیراعظم محمد شہباز شریف اڄ (منگل کوں) ملک اچ جدید ٹیکنالوجی دی بنیاد تے ترقی اتے ڈیجیٹل معیشت دے فروغ کیتے انفارمیشن ٹیکنالوجی (آئی ٹی) پروگرام دا باقاعدہ افتتاح کریسن۔ وزیراعظم آفس دے میڈیا ونگ ولوں جاری بیان دے مطابق وزیراعظم دے ڈیجیٹل پاکستان وژن دے تحت آئی ٹی پروگرام دا اجراء کیتا ویندا پئے جئیں دا مقصد ملک اچ جدید ٹیکنالوجی دی بنیاد تے …
وزیراعظم شہباز شریف اڄ (منگل کوں) ملک اچ جدید ٹیکنالوجی دی بنیاد تے ترقی اتے ڈیجیٹل معیشت دے فروغ کیتے آئی ٹی پروگرام دا باقاعدہ افتتاح کریسن
مزید خبراں
اسلام آباد۔21اکتوبر (اے پی پی) وزیراعظم محمد شہباز شریف اڄ (منگل کوں) ملک اچ جدید ٹیکنالوجی دی بنیاد تے ترقی اتے ڈیجیٹل معیشت دے فروغ کیتے انفارمیشن ٹیکنالوجی (آئی ٹی) پروگرام دا باقاعدہ افتتاح کریسن۔ وزیراعظم آفس دے میڈیا ونگ ولوں جاری بیان دے مطابق وزیراعظم دے ڈیجیٹل پاکستان وژن دے تحت آئی ٹی پروگرام دا اجراء کیتا ویندا پئے جئیں دا مقصد ملک اچ جدید ٹیکنالوجی دی بنیاد تے ترقی اتے ڈیجیٹل معیشت دا فروغ اے۔ وزیراعظم دے وژن دے مطابق پاکستان کوں خطے اچ آئی ٹی دی اُبھردی ہوئی معیشت دے طور تے اُجاگر کیتا ویسی، آئی ٹی پروگرام نینگریں کوں ڈیجیٹل دور دے تقاضیاں نال ہم آہنگ کرݨ اچ سنگ میل ثابت تھیسی، پروگرام دے اجراء نال پاکستان اچ آئی ٹی انڈسٹری کیتے سازگار ماحول پیدا تھیسی۔ وفاقی دارالحکومت اسلام آباد اچ تھیوݨ آلی تقریب اچ وفاقی وزراء، آئی ٹی ماہرین اتے سٹارٹ اپ نمائندگان شریک تھیسن۔ وزیراعظم پروگرام دے اجراء دے موقع تے ڈیجیٹل پاکستان دے وژن تے روشنی پیسن۔ بیان دے مطابق حکومت دا عزم اے جو آئی ٹی دے فروغ دے ذریعے قومی معیشت کوں مضبوط بنیاد فراہم کیتی ونجے۔ نویں پروگرام دے تحت فری لانسنگ، ای کامرس اتے سافٹ ویئر ڈویلپمنٹ دے شعبیاں اچ سہولتاں پیدا ہوسن۔ آئی ٹی پروگرام نال نینگریں کیتے روزگار دے وسیع موقع پیدا تھیسن۔ وزیراعظم دی ہدایت تے آئی ٹی انڈسٹری دے فروغ کیتے جامع پالیسی فریم ورک تیار کیتا ڳئے۔ پروگرام دا اجراء ڈیجیٹل پاکستان وژن دے اہداف دی تکمیل آلے پاسے ہک اہم قدم اے۔
