ریاض۔ 27 اکتوبر(اے پی پی)وزیر اعظم محمد شہباز شریف سعودی ولی عہد و وزیر اعظم محمد بن سلمان دی خصوصی دعوت تے نویں فیوچر انویسٹمنٹ انیشیٹو کانفرنس اچ شرکت کیتے ریاض پُڄ ڳئن۔ وزیر اعظم آفس دے میڈیا ونگ ولوں جاری بیان دے مطابق کنگ خالد انٹرنیشنل ایئر پورٹ پُڄݨ تے ریاض دے نائب گورنر شہزادہ محمد بن عبدالرحمن بن عبدالعزیز، پاکستان اچ سعودی عرب دے سفیر نواف بن سعید …
وزیر اعظم شہباز شریف نویں فیوچر انویسٹمنٹ انیشیٹو کانفرنس کیتے ریاض پُڄ ڳئن
ریاض۔ 27 اکتوبر(اے پی پی)وزیر اعظم محمد شہباز شریف سعودی ولی عہد و وزیر اعظم محمد بن سلمان دی خصوصی دعوت تے نویں فیوچر انویسٹمنٹ انیشیٹو کانفرنس اچ شرکت کیتے ریاض پُڄ ڳئن۔ وزیر اعظم آفس دے میڈیا ونگ ولوں جاری بیان دے مطابق کنگ خالد انٹرنیشنل ایئر پورٹ پُڄݨ تے ریاض دے نائب گورنر شہزادہ محمد بن عبدالرحمن بن عبدالعزیز، پاکستان اچ سعودی عرب دے سفیر نواف بن سعید المالکی اتے پاکستان دے سعودی عرب اچ سفیر احمد فاروق وزیر اعظم اتے پاکستانی وفد دا استقبال کیتا۔ نائب وزیر اعظم و وزیر خارجہ اسحاق ڈار، وفاقی وزیر خزانہ محمد اورنگزیب، وفاقی وزیر اطلاعات و نشریات عطا اللہ تارڑ، معاون خصوصی طارق فاطمی اتے بلال بن ثاقب وزیر اعظم دے کٹھے اعلیٰ سطح وفد اچ نال ہین۔ وزیر اعظم محمد شہباز شریف ریاض اچ تھیوݨ آلے فیوچر انویسٹمنٹ انیشیٹو ایونٹ اچ پاکستان دی نمائندگی کریسن۔ او اپݨے دورے اچ سعودی ولی عہد و وزیر اعظم شہزادہ محمد بن سلمان نال ݙو طرفہ ملاقات کریسن اتے پاکستان و سعودی عرب وچال تجارت، سرمایہ کاری، توانائی اتے افرادی قوت دے شعبیاں اچ تعاون دے ودھارے تے ڳالھ مہاڑ کریسن، ایںدے علاوہ آپس دلچسپی دے عالمی و علاقائی امور تے وی ڳالھ مہار کیتی ویسی۔ وزیر اعظم فیوچر انویسٹمنٹ انیشیٹو ایونٹ اچ شرکت کیتے آئے عالمی رہنماواں اتے بین الاقوامی اداریاں دے سربراہاں نال وی ملسن۔
