لیہ اچ تھل جیپ ریلی اَتے ثقافتی تھل میلہ کیتے مُفت پبلک ٹرانسپورٹ اَتے مقامی چھُٹی دا اعلان

مظفرگڑھ۔ 6 نومبر (اے پی پی) لیہ اچ تھل جیپ ریلی اَتے ثقافتی تھل میلہ کیتے مُفت پبلک ٹرانسپورٹ اَتے مقامی چھُٹی دا اعلان کر ݙتا ڳئے۔ اسسٹنٹ کمشنر لیہ حارث حمید دے مطابق ڈپٹی کمشنر لیہ امیرا بیدار عوامی سہولت کیتے تھل جیپ ریلی دے موقع تے شائقین کیتے مُفت ٹرانسپورٹ چلاوݨ دا حکم ݙے ݙتے۔ چار ݙینہہ تئیں مختلف جہیں توں مفت پبلک ٹرانسپورٹ ݙتی ویسی۔ اسسٹنٹ کمشنر ݙسایا جو لیہ سٹی، پہاڑ پور اَتے کروڑ توں بساں سویلے 9 وجے روانہ تھیسن۔ بیل چوک توں ڳاݙی نمبر 3512 سویلے 9 وجے میلے کیتے روانہ تھیسی، پہاڑ پور توں ڳاݙی نمبر 0555 اَتے کروڑ لعل عیسن توں ڳاݙی نمبر 0515 سویلے 9 وجے روانہ تھیسی۔ اسسٹنٹ کمشنر حارث حمید آکھیا جو تھل جیپ ریلی اچ عوامی شرکت سوکھی بݨاوݨ کیتے ضلعی انتظامیہ اے اہم فیصلہ کیتے۔ ݙوجھے پاسوں ڈپٹی کمشنر لیہ امیرا بیدار لیہ دے شہریاں کوں تفریح دے بھرپور موقع ݙیوݨ کیتے 8 نومبر ہفتے آلے ݙینہہ مقامی چھُٹی دا اعلان کر تے نوٹیفیکیشن جاری کر ݙتے۔