واشنگٹن۔ 7 نومبر (اے پی پی) امریکی صدر ڈونلڈ ٹرمپ آکھیا جو غزہ اچ استحکام کیتے بین الاقوامی فورس بہت جلدی تعینات کیتی ویسی۔ العربیہ اردو دے مطابق، واشنگٹن اچ خمیس دی رات وسطی ایشیائی ملکاں دے رہنماواں نال عشائیے دے دوران ڈونلڈ ٹرمپ آکھیا جو اے تعیناتی بہت جلدی تھیوݨ آلی اے، اتے غزہ دے حالات تسلی بخش ہن۔ انہاں آکھیا جو غزہ اچ ودھ مسائل پیش نئیں آئے …
غزہ اچ استحکام کیتے بین الاقوامی فورس بہت جلدی تعینات کیتی ویسی، امریکی صدر
واشنگٹن۔ 7 نومبر (اے پی پی) امریکی صدر ڈونلڈ ٹرمپ آکھیا جو غزہ اچ استحکام کیتے بین الاقوامی فورس بہت جلدی تعینات کیتی ویسی۔ العربیہ اردو دے مطابق، واشنگٹن اچ خمیس دی رات وسطی ایشیائی ملکاں دے رہنماواں نال عشائیے دے دوران ڈونلڈ ٹرمپ آکھیا جو اے تعیناتی بہت جلدی تھیوݨ آلی اے، اتے غزہ دے حالات تسلی بخش ہن۔ انہاں آکھیا جو غزہ اچ ودھ مسائل پیش نئیں آئے اتے اگر فلسطین دی عسکری تنظیم نال کوئی نویں مشکل کھڑی تھئی تاں کئی ملکاں مدد دی پیشکش کیتی اے۔ نال ای امریکی صدر فلسطین دی عسکری تنظیم کوں خبردار کیتا جو اگر تنظیم سمجھداری نال کم نہ گھدا تاں اُوکوں سخت نتیجیاں دا سامݨا کرݨا پوسی۔ اے بیان ایجھیں ویلھے آئے جݙاں امریکا اقوام متحدہ دی سلامتی کونسل اچ ہک قرارداد دا مسودہ پیش کیتا، جئیں دا مقصد ڈونلڈ ٹرمپ دے امن منصوبے دی حمایت اتے بین الاقوامی فورس دی تعیناتی کیتے منظوری گھنݨ اے۔ امریکی مشن دے ترجمان دے مطابق، اقوام متحدہ اچ امریکی سفیر مائیک والٹز اے مسودہ سلامتی کونسل دے ݙاہ منتخب رکن ملکاں دے علاوہ خطے دے کئی اہم شراکت داراں سعودی عرب، مصر، قطر، متحدہ عرب امارات اتے ترکیہ دے سامݨے وی پیش کیتا، پر ہݨ تئیں ایندے اُتے رائے شماری دی تریخ مقرر نئیں کیتی گئی۔
