سری لنکا دی کرکٹ ٹیم ون ڈے سیریز اَتے سہ ملکی ٹی 20 ٹورنامنٹ اچ شرکت کیتے اسلام آباد پڄ ڳئی

راولپنڈی۔ 9 نومبر(اے پی پی)سری لنکا دی کرکٹ ٹیم چریتھ اسالنکا دی قیادت اچ ون ڈے سیریز اَتے سہ ملکی ٹی 20 ٹورنامنٹ اچ شرکت کیتے اسلام آباد پڄ ڳئی۔ پاکستان اَتے سری لنکا وچال ترائے ون ڈے انٹرنیشنل میچاں دی سیریز 11 توں 15 نومبر تئیں راولپنڈی کرکٹ اسٹیڈیم اچ کھیݙی ویسی۔ ون ڈے سیریز دے بعد سہ ملکی ٹی 20 ٹورنامنٹ شروع تھیسی جیںدے اچ پاکستان، زمبابوے اَتے سری لنکا دیاں ٹیماں ہِک ݙوجھے دے خلاف ہوسن۔ اے ٹورنامنٹ 17 توں 29 نومبر تئیں راولپنڈی اَتے لاہور اچ کھیݙیا ویسی۔