اسلام آباد۔ 12 نومبر(اے پی پی)لوک ورثہ شکر پڑیاں اسلام آباد اچ رنگا رنگ لوک میلہ جاری، چارے صوبیاں سودھا سرائیکی وسیب دی ثقافت دے نویکلے رنگاں اچ لوکاں اچ ودھ دلچسپی ݙیکھݨ لائق اے۔ لوک مل مہانگے کپڑے تاں وݙیاں دکاناں توں گھندن پر عورتاں دے ہتھ نال ٻݨیے فن دی قدر نئیں کریندے۔ پنجاب پویلین لوک ورثہ میلے اچ سٹال لاوݨ آلی ملتان دی تریمت دی اے پی …
لوک ورثہ شکر پڑیاں اسلام آباد اچ رنگا رنگ لوک میلہ، ملتان توں آئی دکاندار تریمت دا دستکاری دی قدر دانی اتے سمڄھ نا ہووݨ دا شکوہ
مزید خبراں
اسلام آباد۔ 12 نومبر(اے پی پی)لوک ورثہ شکر پڑیاں اسلام آباد اچ رنگا رنگ لوک میلہ جاری، چارے صوبیاں سودھا سرائیکی وسیب دی ثقافت دے نویکلے رنگاں اچ لوکاں اچ ودھ دلچسپی ݙیکھݨ لائق اے۔ لوک مل مہانگے کپڑے تاں وݙیاں دکاناں توں گھندن پر عورتاں دے ہتھ نال ٻݨیے فن دی قدر نئیں کریندے۔ پنجاب پویلین لوک ورثہ میلے اچ سٹال لاوݨ آلی ملتان دی تریمت دی اے پی پی سرائیکی نیوز سروس نال گالھ مہاڑ۔ لوک ورثہ اچ 7 نومبر توں شروع تھیوݨ آلے میلے کوں اج پنجواں ڈینھ اے ۔ ملک دے چاریں صوبیاں توں علاوہ کشمیر تے گلگت بلتستان دی ثقافت تے موسقی کوں نشابر کیتا ویندا پئے۔ پنجاب دے سٹالاں تے سرائیکی وسیب دے شہر ملتان توں آئی تریمت ثمینہ آپݨے سٹال دی وکری نہ تھیوݨ تے گلہ کیتا جو اساں سارا سال میلے دی تانگھ رکھدیاں ہیسے پر لوک ساڈے ہتھ نال ٻݨائے سوئی دھاگے دے کم دے پیسے ڳھٹ ڈیندن اتے ایں فن کوں نئیں سمڄھدے ڄڈاں جو ایندے مقابلے اچ وݙے برانڈز تے منہ منگیا مل ڈیندن۔۔ملتان دی ثمینہ میڈیا کوں ارداس کیتی جو ساڈے ایں مسئلے کوں نشابر کیتا ونجے کیوں جو اساں کئی سو میلاں دا پندھ کرتے آندیاں ہیسے تے کپڑے لوک پسند تاں کریندن ٻھل ایندا مناسب مل نئیں ݙیندے اتے گھٹ مل لیندن جیندے نال ساݙا ڳزارا تھیندے، منافع تاں کیا اکھیجے لڳی مڑی وی نئیں ملدی، اساں ولدے چاء ونجݨ دے ݙر توں منافع ٻہوں گھٹ کمیندے ہیں۔۔
