اسلام آباد۔18نومبر(اے پی پی) پاکستان اتے تھائی لینڈ وچال ݙو طرفہ سیاسی مشاورت (بی پی سی) دا تریجھا دور اسلام آباد اچ تھئے۔ دفتر خارجہ توں جاری بیان دے مطابق پاکستان ولوں وفد دی قیادت ایڈیشنل سیکرٹری خارجہ برائے ایشیا و پیسفک عمران احمد صدیقی کیتی جݙاں جو تھائی لینڈ ولوں وفد دی سربراہی نائب مستقل سیکرٹری برائے خارجہ امور سریلاک نیوم کیتی۔ ݙوہاں فریقاں پاکستان اتے تھائی لینڈ دے …
پاکستان اتے تھائی لینڈ وچال ݙو طرفہ سیاسی مشاورت دا تریجھا دور
مزید خبراں
اسلام آباد۔18نومبر(اے پی پی) پاکستان اتے تھائی لینڈ وچال ݙو طرفہ سیاسی مشاورت (بی پی سی) دا تریجھا دور اسلام آباد اچ تھئے۔ دفتر خارجہ توں جاری بیان دے مطابق پاکستان ولوں وفد دی قیادت ایڈیشنل سیکرٹری خارجہ برائے ایشیا و پیسفک عمران احمد صدیقی کیتی جݙاں جو تھائی لینڈ ولوں وفد دی سربراہی نائب مستقل سیکرٹری برائے خارجہ امور سریلاک نیوم کیتی۔ ݙوہاں فریقاں پاکستان اتے تھائی لینڈ دے ݙو طرفہ تعلقات دے سارے پہلوواں دا جائزہ ڳھدا اتے تجارت و سرمایہ کاری، ترقی، تعلیم اتے عوامی رابطیاں دے شعبیاں اچ تعاون ٻیا تکڑا کرݨ تے زور ݙتے۔ فریقاں ݙوہاں ملکاں وچال تعلقات کوں مزید مضبوط بݨاوݨ اتے ایں دیرینہ سانجھیداری کوں نویں سطح تئیں ڳھن ونڄݨ دا عزم دوہرایا۔ مشاورت ٻہوں خوشگوار اتے تعمیری ماحول اچ تھئی۔ ݙوہاں فریقاں پاکستان اتے تھائی لینڈ وچال اعلیٰ سطح رابطیاں دے تسلسل کوں برقرار رکھݨ تے اتفاق کیتا اتے آپسی اتفاق رائے نال اڳلے دور دی ݙو طرفہ سیاسی مشاورت بینکاک اچ کرݨ تے وی اتفاق کیتا۔
