اسلام آباد۔ 20 نومبر(اے پی پی)وفاقی وزیر خزانہ و محصولات سینیٹر محمد اورنگزیب نائیجیریا دے ریونیو موبلائزیشن اینڈ فِسکل کمیشن دے 13 رکنی وفد نال ملاقات کیتی۔وفد دی قیادت فیڈرل کمشنر بیریسٹر ایمو ایفانگ اکپان کریندے پئے ہن۔ وزیر خزانہ وفد دا خیرمقدم کیتا اتے دوست ملکاں نال خاص طور تے مالیاتی حکمرانی اتے محصولات ءچ اصلاحات دے شعبیاں اچ ادارہ جاتی تعاون اتے ڳالھ مہاڑ کوں ودھاوݨ کیتے پاکستان …
وزیر خزانہ سینیٹر محمد اورنگزیب دی نائیجیرین وفد نال ملاقات
مزید خبراں
اسلام آباد۔ 20 نومبر(اے پی پی)وفاقی وزیر خزانہ و محصولات سینیٹر محمد اورنگزیب نائیجیریا دے ریونیو موبلائزیشن اینڈ فِسکل کمیشن دے 13 رکنی وفد نال ملاقات کیتی۔وفد دی قیادت فیڈرل کمشنر بیریسٹر ایمو ایفانگ اکپان کریندے پئے ہن۔ وزیر خزانہ وفد دا خیرمقدم کیتا اتے دوست ملکاں نال خاص طور تے مالیاتی حکمرانی اتے محصولات ءچ اصلاحات دے شعبیاں اچ ادارہ جاتی تعاون اتے ڳالھ مہاڑ کوں ودھاوݨ کیتے پاکستان دا عزم ݙسایا۔ بیریسٹر ایمو ایفانگ اکپان وزیر خزانہ کوں نائیجیریا دے ریونیو موبلائزیشن اینڈ فِسکل کمیشن دے مینڈیٹ تے بریفنگ ݙتی اتے ݙسیا جو کمیشن نائیجیریا دا ہک آئینی ادارہ اے جیںدا کم ریونیو الاٹمنٹ فریم ورک بݨاوݨ، سرکاری شعبے اچ تِنخواہواں بارے مشاورت اتے وفاقی ڈھانچے اچ مالی ہم آہنگی کوں مضبوط بݨاوݨ اے۔ وزیر خزانہ وفد کوں پاکستان دی معاشی پیش رفت اتے وزیراعظم دی قیادت اچ حکومت دے اصلاحاتی ایجنڈے دا ݙسایا۔ وزیر خزانہ نائیجیریا نال علم دے تبادلے اتے ادارہ جاتی تعاون جاری رکھݨ کیتے پاکستان دی پُوری تیاری دا یقین ݙیوایا۔
