تجارتی سہولتاں اچ اضافہ، بہتر علاقائی روابط، قوانین اچ ہم آہنگی نال اقتصادی ترقی ممکن اے،عبدالعلیم خان دا ای سی او وزارتی اجلاس اچ خطاب

استنبول۔ 27 نومبر(اے پی پی) وفاقی وزیر مواصلات عبدالعلیم خان آکھیے جو تجارتی سہولتاں اچ وادھا، بہتر علاقائی رابطے، قوانین اچ ہم آہنگی نال اقتصادی ترقی دا حصول ممکن اے، ای سی او خطے اچ اقتصادی انضمام دے فروغ کیتے نہایت اہم پلیٹ فارم اے۔

وفاقی وزیر مواصلات عبدالعلیم خان 5ویں ای سی او وزارتی اجلاس اچ شرکت کیتی۔ انہاں ای سی او وزارتی اجلاس برائے کامرس و غیر ملکی تجارت اچ پاکستان دی نمائندگی کیتی۔ اجلاس 14 سال دے وقفے دے بعد استنبول اچ تھئے جیںدے اچ انہاں پاکستان دے علاقائی تجارتی تعاون دے عزم کوں دوہرائے۔ ایں موقع تے عبدالعلیم خان آکھیا جو ای سی او خطے اچ اقتصادی انضمام دے فروغ کیتے نہایت اہم پلیٹ فارم اے، تجارتی سہولتاں اچ وادھا، بہتر علاقائی رابطے، قوانین اچ ہم آہنگی نال اقتصادی ترقی دا حصول ممکن اے، “ECOTA” مذاکراتی اسٹریٹجی اَتے استنبول اعلامیے تے اتفاق تجارتی فریم ورک کیتے اہم سنگ میل اے۔ انہاں آکھیا جو حکومت پاکستان ݙو اہم بین الریاستی معاہدیاں دی منظوری ݙے ݙتی اے، پاکستان ای سی او رُکن ملکاں وچال تجارت دے ودھارے کیتے مفاہمتی یادداشت دی منظوری ݙے ݙتی اے۔  او کسٹمز انتظامیہ دے وچال باہمی تعاون دا معاہدہ اے۔ اے اقدامات ای سی او دی تجارتی ساخت کوں مضبوط بݨاوݨ اچ ہتھ ونݙیسن۔