اسلام آباد۔ 29 نومبر(اے پی پی) نائب وزیراعظم اَتے وزیر خارجہ سینیٹر محمد اسحاق ڈار دی دعوت تے مصر دے وزیر خارجہ ڈاکٹر بدر احمد محمد عبدالعاطی ݙو ݙینھ دے سرکاری دورے تے اڄ پاکستان پُڄدے پئن۔دفتر خارجہ توں جاری بیان موجب، اے دورہ پاکستان اَتے مصر دے وچال پراݨے اَتے خوشگوار تعلقات دی عکاسی کریندے جیڑھے مشترکہ عقیدے، ثقافتی وابستگی اَتے علاقائی اَتے بین الاقوامی مسلیں تے مشترکہ نقطہ …
مصردے وزیر خارجہ ݙو ݙینھ دے سرکاری دورے تے اڄ پاکستان پُڄسن، دفتر خارجہ
مزید خبراں
اسلام آباد۔ 29 نومبر(اے پی پی) نائب وزیراعظم اَتے وزیر خارجہ سینیٹر محمد اسحاق ڈار دی دعوت تے مصر دے وزیر خارجہ ڈاکٹر بدر احمد محمد عبدالعاطی ݙو ݙینھ دے سرکاری دورے تے اڄ پاکستان پُڄدے پئن۔دفتر خارجہ توں جاری بیان موجب، اے دورہ پاکستان اَتے مصر دے وچال پراݨے اَتے خوشگوار تعلقات دی عکاسی کریندے جیڑھے مشترکہ عقیدے، ثقافتی وابستگی اَتے علاقائی اَتے بین الاقوامی مسلیں تے مشترکہ نقطہ نظر تے مبنی ہِن۔ اِے پاکستان-مصر تعلقات دی سٹرٹیجک سمت کوں مزید مستحکم کرݨ اَتے انہاں کوں سیاسی، اقتصادی، دفاعی، ثقافتی اَتے عوام دے وچال تعاون تے توجہ ݙیوݨ نال وسیع تر راہ تے ٹورݨ اچ کردار ادا کریسی۔دورے دے دوران مصری وزیر خارجہ نائب وزیراعظم اَتے وزیر خارجہ نال وفد دی سطح تے ملاقات اَتے ڳالھ مہاڑ کریسن۔ بیان موجب ، ڳالھ مہاڑ دے دوران فریقین ݙو طرفہ تعلقات دا جائزہ گھنسن اَتے غزہ دی صورتحال سودھے علاقائی اَتے بین الاقوامی پیش رفت تے تبادلہ خیال کریسن۔ بیان اچ مزید آکھیا ڳئے جو توقع اے جو مصر دے وزیر خارجہ دا اِے دورہ پاکستان اَتے مصر دے تعاون کوں مضبوط کریسی اَتے ایں دے نتیجے اچ ݙوہیں برادر ملک پراݨی شراکت داری کوں مزید اڳُوں ودھیسن۔
