استنبول۔ 29 نومبر(اے پی پی) وزیر مملکت داخلہ طلال چوہدری ترک صدر رجب طیب ایردوان نال ملاقات کیتی۔ انہاں ترک قانون نافذ کرݨ آلے اداریں کوں ہزاراں نویاں سکیورٹی گاݙیاں ݙیوݨ دی اہم تقریب اچ پاکستان دے خصوصی نمائندے دے طور تے شرکت کیتی۔ایں موقع تے ترکیہ دے داخلی سلامتی دے نظام دی مضبوطی کیتے 9200 نویاں سکیورٹی گاݙیاں قانون نافذ کرݨ آلے ترک اداریں، بشمول جینڈرمیری، پولیس اَتے …
وزیر مملکت داخلہ طلال چوہدری دی ترک صدر نال ملاقات
مزید خبراں
استنبول۔ 29 نومبر(اے پی پی) وزیر مملکت داخلہ طلال چوہدری ترک صدر رجب طیب ایردوان نال ملاقات کیتی۔ انہاں ترک قانون نافذ کرݨ آلے اداریں کوں ہزاراں نویاں سکیورٹی گاݙیاں ݙیوݨ دی اہم تقریب اچ پاکستان دے خصوصی نمائندے دے طور تے شرکت کیتی۔ایں موقع تے ترکیہ دے داخلی سلامتی دے نظام دی مضبوطی کیتے 9200 نویاں سکیورٹی گاݙیاں قانون نافذ کرݨ آلے ترک اداریں، بشمول جینڈرمیری، پولیس اَتے کوسٹ گارڈ کوں ݙتیاں ڳئیاں۔ ترک صدر رجب طیب ایردوان وی تقریب اچ شرکت کیتی اَتے جدید گاݙیاں دے ٻیڑے کوں مُلک دے داخلی سکیورٹی نظام کیتے ہک “اہم سنگ میل” قرار ݙتا۔ نویاں گاݙیاں دے ٻیڑے کوں باقاعدہ طور تے خدمتاں اچ شامل کر ݙتا ڳئے اَتے توقع اے جو اے ترکی دی سکیورٹی اَتے ہنگامی ردعمل دیاں صلاحیتاں کوں نمایاں طور تے مضبوط کریسن۔پاکستان دے وفاقی وزیر داخلہ محسن نقوی دی ہدایت تے وزیر مملکت داخلہ طلال چوہدری ایں اہم تقریب اچ پاکستان دے خصوصی نمائندے دے طور تے شرکت کیتی۔ طلال چوہدری صدر ایردوان نال ملاقات کیتی، جیں اچ ݙوہیں رہنماواں وزیراعظم شہباز شریف کیتے نیک خواہشات دا تبادلہ کیتا اَتے ݙوہیں ملکاں وچال جاری تعاون دے امور تے ڳالھ مہاڑ کیتی۔
