اسلام آباد۔ 29 نومبر(اے پی پی) وفاقی وزیرِ تجارت جام کمال خان نال ڈنمارک دے سفیر ملاقات کیتی اَتے سانجھی تجارت، سرمایہ کاری اَتے توانائی دے شعبے اچ تعاون ودھاوݨ دے طریقیں تے ڳالھ مہاڑ کیتی۔ایں موقع تے وفاقی وزیرآئی ایم ایف پروگرام دے تحت استحکام دیاں حکومتی کوششاں دا ذکر کریندے آکھیا جو ٹیکساں اچ عارضی ودھارا کاروباری طبقے تے دٻاؤ دا باعث ضرور بݨیے تاں وی ریونیو اہداف …
وفاقی وزیرِ تجارت جام کمال خان نال ڈنمارک دے سفیر دی ملاقات
مزید خبراں
اسلام آباد۔ 29 نومبر(اے پی پی) وفاقی وزیرِ تجارت جام کمال خان نال ڈنمارک دے سفیر ملاقات کیتی اَتے سانجھی تجارت، سرمایہ کاری اَتے توانائی دے شعبے اچ تعاون ودھاوݨ دے طریقیں تے ڳالھ مہاڑ کیتی۔ایں موقع تے وفاقی وزیرآئی ایم ایف پروگرام دے تحت استحکام دیاں حکومتی کوششاں دا ذکر کریندے آکھیا جو ٹیکساں اچ عارضی ودھارا کاروباری طبقے تے دٻاؤ دا باعث ضرور بݨیے تاں وی ریونیو اہداف دے حصول کیتے اے اقدامات ضروری ہن۔ انہاں یقین ݙیوایا جو حکومت بتدریج ٹیکس ٻوجھ گھٹ کرݨ اَتے کاروباری ماحول بہتر بݨاوݨ کیتے پُرعزم اے۔انہاں ݙسایا جو منافع دی وطن واپسی متعلق مسئلے وݙی حد تئیں حل تھی چُکن، زرمبادلہ دے ذخیرے مستحکم تھیندے پئِن جݙاں جو ترسیلات زر اچ وی نمایاں ودھارا ڈٹھا ڳئے۔ملاقات اچ توانائی دے شعبے متعلق تفصیلی ڳالھ مہاڑ تھئی، خاص طور تے صنعتاں دے شمسی اَتے قابلِ تجدید ذرائع توانائی دی طرف منتقل تھیوݨ دے رُجحان پاروں قومی گرڈ تے دٻاؤ اچ کمی دا معاملہ زیرِ بحث آیا۔ ایں موقع تے ڈنمارک دے سفیر پاکستانی اداریں نال جاری ترائے سالہ شراکت داری متعلق آگاہ کیتا جیں دا مقصد توانائی منصوبہ بندی، ڈیٹا سسٹمز اَتے گرڈ دی کارکردگی بہتر بݨاوݨا اے۔ فریقین ایں ڳالھ تے اتفاق کیتا جو صنعتاں دی گرڈ اچ واپسی یا صنعتی طلب اچ ودھارا طویل المدتی پائیداری کیتے ناگزیر اے۔ڈنمارک دے سفیر پاکستان دے زرعی اَتے آئی ٹی شعبیں اچ ڈینش کمپنیاں دی دلچسپی دا ذکر کیتا تاں وی کجھ قانونی و سرٹیفکیشن تقاضیں پاروں محتاط رویہ برقرار رکھݨ دی نشاندہی وی کیتی۔ وفاقی وزیر ڈینش کمپنیاں کوں پاکستان دے تکھے اُبھردے آئی ٹی سیکٹر توں فیدہ چاوݨ دی ترغیب ݙتی جو سالانہ 80 ہزار دے نیڑے گریجویٹس تیار کریندے اَتے لاڳت دے لحاظ نال وی مقابلے دار اے۔جام کمال خان ڈنمارک کوں لاہور اَتے کراچی اچ آوݨ آلی تجارتی نمائشاں اچ شرکت دی دعوت ݙیندے امید ظاہر کیتی جو سفری مشوریں اچ بہتری نال مزید شرکت ممکن تھی سڳسی۔ انہاں پاکستان دی تکھے ترقی کریندی کاسمیٹکس اَتے پرسنل کیئر انڈسٹری بارے اچ وی ݙسایا جو مسابقتی قیمتاں اَتے مصنوعات دی ودھدی ہوئی ورائٹی دی بدولت افریقی منڈیاں اچ نمایاں مقبولیت حاصل کریندی پئی اے۔ݙوہیں ملکاں تجارتی تعلقات مزید مضبوط بݨاوݨ، کاروباری اداریں وچال رابطے ودھاوݨ اَتے تجارت، قابل تجدید توانائی، آئی ٹی اَتے نویاں مارکیٹاں اچ توسیع دے موقع تلاش کرݨ دے عزم دا اعادہ کیتا۔
