اسلام آباد۔ 30 نومبر (اے پی پی) نائب وزیراعظم و وزیر خارجہ سینیٹر محمد اسحاق ڈار آکھیا جو اڄ جݙاں عالمی برادری بین الاقوامی یوم یکجہتی فلسطینی عوام منیندی پئی اے، پاکستان آپݨے فلسطینی بھیݨ بھراواں دے حق خود ارادیت کیتے، انہاں دے وقار، آزادی اَتے نہ مُکݨ آلے حقوق کیتے آپݨی غیر متزلزل سفارتی حمایت دا اعادہ کریندے۔ بین الاقوامی یوم یکجہتی برائے فلسطینی عوام دے حوالے نال وزارت …
پاکستان فلسطینی حقِ خود ارادیت، وقار، آزادی کیتے غیر متزلزل سفارتی حمایت دا اعادہ کریندے، نائب وزیراعظم محمد اسحاق ڈار
مزید خبراں
اسلام آباد۔ 30 نومبر (اے پی پی) نائب وزیراعظم و وزیر خارجہ سینیٹر محمد اسحاق ڈار آکھیا جو اڄ جݙاں عالمی برادری بین الاقوامی یوم یکجہتی فلسطینی عوام منیندی پئی اے، پاکستان آپݨے فلسطینی بھیݨ بھراواں دے حق خود ارادیت کیتے، انہاں دے وقار، آزادی اَتے نہ مُکݨ آلے حقوق کیتے آپݨی غیر متزلزل سفارتی حمایت دا اعادہ کریندے۔ بین الاقوامی یوم یکجہتی برائے فلسطینی عوام دے حوالے نال وزارت خارجہ توں جاری تھیوݨ آلے پیغام اچ نائب وزیراعظم و وزیر خارجہ سینیٹر محمد اسحاق ڈار آکھیا جو کئی نسلاں توں فلسطینی عوام منظم بے دخلی، جارحیت تے تشدد اَتے تباہ کن محرومیاں دا سامݨا کریندے آئے ہِن۔ فلسطین اچ انسانی تکلیف دی غیر معمولی شدت عالمی برادری توں تکھا، مضبوط اَتے عدل و انسانیت دے اصولاں تے مبنی ردعمل منڳدی اے۔ انہاں آکھیا جو غزہ اچ اسرائیل دی مسلسل اَتے بے دریغ بربریت ایہو حال کر ݙتے جو ہݨ او انسانیت اَتے عالمی ضمیر دا قبرستان بݨ ڳئے۔ اسحاق ڈار آکھیا جو ایں نازک مرحلے تے مستقل جنگ بندی یقینی بݨاوݨ اَتے فلسطین دا مسئلہ 1967ء توں پہلے دیاں سرحداں تے قائم ہک آزاد، خودمختار اَتے جُڑویں ریاست دے قیام نال حل تھیوݨا چاہیدے، جیں دا دارالحکومت القدس الشریف ہووے۔
