قاہرہ۔ 30 نومبر (اے پی پی) وفاقی وزیر تجارت جام کمال خان چوتھی ڈی ایٹ وزرائے تجارت کونسل اچ شرکت کیتے قاہرہ پُڄ ڳئن، جتھاں او ڈی ایٹ وزرائے تجارت کونسل دے چوتھے اجلاس اچ پاکستان دی نمائندگی کریسن۔ قاہرہ انٹرنیشنل ایئرپورٹ تے پاکستان دے مصر کیتے سفیر عامر شوکت اَتے مصری وزارتِ خارجہ، وزارتِ تجارت و سرمایہ کاری اَتے وزارتِ خارجہ امور دے سینئر حکام وفاقی وزیرِ تجارت دا …
وفاقی وزیر تجارت جام کمال خان چوتھی ڈی ایٹ وزرائے تجارت کونسل اچ شرکت کیتے قاہرہ پُڄ ڳئن
مزید خبراں
قاہرہ۔ 30 نومبر (اے پی پی) وفاقی وزیر تجارت جام کمال خان چوتھی ڈی ایٹ وزرائے تجارت کونسل اچ شرکت کیتے قاہرہ پُڄ ڳئن، جتھاں او ڈی ایٹ وزرائے تجارت کونسل دے چوتھے اجلاس اچ پاکستان دی نمائندگی کریسن۔ قاہرہ انٹرنیشنل ایئرپورٹ تے پاکستان دے مصر کیتے سفیر عامر شوکت اَتے مصری وزارتِ خارجہ، وزارتِ تجارت و سرمایہ کاری اَتے وزارتِ خارجہ امور دے سینئر حکام وفاقی وزیرِ تجارت دا استقبال کیتا۔دورے دے دوران وفاقی وزیر ڈی 8 وزارتی کونسل دے افتتاحی، عمومی اَتے اختتامی اجلاساں اچ شرکت کریسن اَتے رُکن ملکاں دے وزرائے تجارت نال ݙو طرفہ ملاقاتاں وی کریسن، جئیں دا مقصد تجارت اَتے سرمایہ کاری دے شعبیں اچ آپت دے تعاون کوں ودھاوݨا اے۔ وفاقی وزیر سرکاری سرگرمیاں توں علاوہ قاہرہ دے اہم تاریخی اَتے ثقافتی جہیں، بشمول گرینڈ ایجپشن میوزیم اَتے عابدین پیلس دا دورہ وی کریسن۔
