اسلام آباد۔ 30 نومبر (اے پی پی) نائب وزیراعظم اَتے وزیرِخارجہ سینیٹر محمد اسحاق ڈار وزارتِ خارجہ اچ مصر دے وزیرِ خارجہ ڈاکٹر بدر عبدالعاطی دے نال وفد دی سطح تے تفصیلی مذاکرات کیتے، جنہاں اچ ݙوہیں ملکاں دے سینئر حکام شرکت کیتی۔وزارت خارجہ توں جاری بیان موجب ݙوہیں فریقاں پاکستان-مصر تعلقات کوں مضبوط بݨاوݨ دے عزم دا اعادہ کیتا اَتے تجارت، سرمایہ کاری، صحت، تعلیم، ثقافت اَتے عوامی رابطیں …
وزیرِ خارجہ اسحاق ڈار دے مصر دے وزیرِ خارجہ ڈاکٹر بدر عبدالعاطی نال وفد دی سطح تے تفصیلی مذاکرات
مزید خبراں
اسلام آباد۔ 30 نومبر (اے پی پی) نائب وزیراعظم اَتے وزیرِخارجہ سینیٹر محمد اسحاق ڈار وزارتِ خارجہ اچ مصر دے وزیرِ خارجہ ڈاکٹر بدر عبدالعاطی دے نال وفد دی سطح تے تفصیلی مذاکرات کیتے، جنہاں اچ ݙوہیں ملکاں دے سینئر حکام شرکت کیتی۔وزارت خارجہ توں جاری بیان موجب ݙوہیں فریقاں پاکستان-مصر تعلقات کوں مضبوط بݨاوݨ دے عزم دا اعادہ کیتا اَتے تجارت، سرمایہ کاری، صحت، تعلیم، ثقافت اَتے عوامی رابطیں دے شعبیں اچ تعاون مزید ودھاوݨ کیتے مشترکہ وزارتی کمیشن (JMC) اَتے سالانہ ݙو طرفہ مشاورت جیہے ادارہ جاتی میکنزم کوں نویں سِروں فعال کرݨ تے اتفاق کیتا ڳیا۔وزرائے خارجہ مزید اتفاق کیتا جو ہک نویں بزنس کونسل قائم کیتی ویسی، مصر نال بی ٹو بی رابطیں کیتے اہم پاکستانی کاروباری اداریں دی نشاندہی کیتی ویسی، اَتے قاہرہ اچ 2026 دی ݙوجھی ترائے ماہی اچ وزارتی بزنس فورم منعقد کیتا ویسی، اَتے ایں دی تیاری کیتے 2026 دی پہلی ترائے ماہی اچ اسلام آباد اچ سینئر حکام دیاں میٹنگز منعقد تھیسن۔ مصر دے وزیرِ خارجہ جامعۃ الازہر دیاں اسکالرشپس دی تعداد ݙوگنا کرݨ دا اعلان وی کیتا۔ نائب وزیراعظم اَتے وزیرِ خارجہ پاکستان اچ ہیپاٹائٹس سی دے خاتمے کیتے مصر دے تعاون اَتے جامعۃ الازہر دیاں اسکالرشپس دے ذریعے تعلیمی و ثقافتی رابطیں دے ودھارے تے مصر دا شکریہ ادا کیتے۔
