وفاقی وزیر توانائی سردار اویس احمد خان لغاری ہیلپ لائن 118 دا افتتاح کرݙتا

لاہور۔ 30 نومبر (اے پی پی) وفاقی وزیر توانائی سردار اویس احمد خان لغاری ہیلپ لائن 118 دا افتتاح کر ݙتے۔چیئرمین بورڈ آف ڈائریکٹرز عامر ضیا اَتے چیف ایگزیکٹو لیسکو انجینئر محمد رمضان بٹ ہیلپ لائن دی لانچنگ تقریب اچ شرکت کیتی۔ چیئرمین بورڈ عامر ضیا آکھیا جو وزیراعظم محمد شہباز شریف دے وژن اَتے وزیر توانائی دی قیادت اچ پاور ڈویژن صارِفین کوں سہولتاں ݙیوݨ کیتے کوشش کریندا پئے اَتے ہیلپ لائن دا اجرا ایں سلسلے دی ہک کڑی اے۔چیف ایگزیکٹو لیسکو محمد رمضان بٹ آکھیا جو ہیلپ لائن 118 حکومتی پالیسی موجب شفافیت اَتے عوامی اعتماد دی بحالی ول ہک اہم قدم اے۔ انہاں مزید آکھیا جو ہیلپ لائن 118 دے ذریعے بجلی نال متعلق رہنمائی اَتے شکایتاں دے اندراج کیتے صرف ہک کال کرݨی ہوسی اَتے بغیر کہیں ضروری انتظار دے صارِفین کوں گھر ٻیٹھے شکایتاں دا ازالہ ممکن ہوسی۔ صارِفین توں درخواست اے جو بجلی چوری دی اطلاع یا بجلی نال متعلق شکایتاں کیتے ہیلپ لائن 118 تے رابطہ کرن۔