اسلام آباد۔ 30 نومبر(اے پی پی) چیئرمین سینیٹ سید یوسف رضا گیلانی اٹلی دی سفیر مارِلینا آرمیلن اَتے ڈومینیکو پیلّونی ولوں اسلام آباد اچ منعقدہ اطالوی کُوزین ویک گالا ڈنر اچ شرکت کیتی اے۔ تقریب اچ سفارتی حلقیں اَتے بین الاقوامی برادری دے نمائندیں شرکت کیتی، جیں دا مقصد اٹلی دے کھاݨے دے فَن اَتے ثقافتی ورثے کوں اُجاگر کرݨا ہئی۔چیئرمین سینیٹ آپݨے خطاب اچ آکھیا جو اے تقریب …
چیئرمین سینیٹ یوسف گیلانی دی اطالوی کُوزین ویک گالا ڈنراچ شرکت، پاک-اٹلی دے مضبوط تعلقات کوں اُجاگر کیتا
مزید خبراں
اسلام آباد۔ 30 نومبر(اے پی پی) چیئرمین سینیٹ سید یوسف رضا گیلانی اٹلی دی سفیر مارِلینا آرمیلن اَتے ڈومینیکو پیلّونی ولوں اسلام آباد اچ منعقدہ اطالوی کُوزین ویک گالا ڈنر اچ شرکت کیتی اے۔ تقریب اچ سفارتی حلقیں اَتے بین الاقوامی برادری دے نمائندیں شرکت کیتی، جیں دا مقصد اٹلی دے کھاݨے دے فَن اَتے ثقافتی ورثے کوں اُجاگر کرݨا ہئی۔چیئرمین سینیٹ آپݨے خطاب اچ آکھیا جو اے تقریب صرف ذائقیں اَتے پکواناں دا جشن کائنی، بلکہ پاک–اٹلی دوستی، ثقافتی رابطیں اَتے پراݨے سانجھے تعلقات دے احترام دی عکاسی وی اے۔ انہاں آکھیا جو اٹلی یورپ اچ پاکستان دا ہک اہم اقتصادی شراکت دار اے اَتے ݙوہیں ملکاں وچال تجارت، سرمایہ کاری، تعلیم، ثقافت اَتے پارلیمانی سفارتکاری اچ تعاون مسلسل ودھدا پئے۔انہاں اٹلی اچ رہݨ آلی پاکستانی کمیونٹی دی خدمات دی تعریف کیتی اَتے آکھیا جو پاکستانی ڈائسپورا ݙوہیں ملکاں وچال عوامی رابطیں دے استحکام اچ کلیدی کردار ادا کریندی پئی اے۔ چیئرمین سینیٹ یقین ݙیوایا جو سینیٹ آف پاکستان اطالوی سینیٹ اَتے ٻئے ریاستی اداریں نال پارلیمانی رابطیں کوں مزید مضبوط بݨاوݨ کیتے پُورا پرعزم اے۔
