قسط دی منظوری خوش آئند، آئی ایم ایف سیلاباں دے باوجود پروگرام تے عمل درآمد کوں منیے، وزیر خزانہ محمد اورنگزیب

اسلام آباد۔ 9 دسمبر (اے پی پی)وفاقی وزیر خزانہ و محصولات سینیٹر محمد اورنگزیب بین الاقوامی مالیاتی فنڈ دے ایگزیکٹو بورڈ ولوں پاکستان کیتے قسط دی منظوری کوں خوش آئند قرار ݙیندے آکھیے جو آئی ایم ایف منیے کہ پاکستان حالیہ تباہ کن سیلاباں دے باوجود پروگرام تے مضبوطی نال عمل درآمد کوں برقرار رکھیے جیںدے نال معاشی استحکام اچ مدد ملی اَتے مالی و بیرونی صورتحال بہتر تھئی اے۔ منگل کوں کابینہ دی اقتصادی رابطہ کمیٹی (ای سی سی) دے اجلاس اچ وفاقی وزیر خزانہ وفاقی وزارتاں، سرکاری اداریاں، متعلقہ دفتراں، سینئر سیکرٹریز اَتے صوبائی حکومتاں دے مضبوط تعاون دی تعریف کیتی جیندے پاروں حکومت دے ڈھانچہ جاتی اصلاحات دے ایجنڈے کوں اڳوں ودھاوݨ اَتے آئی ایم ایف دے توسیعی فنڈ سہولت دے تحت ݙوجھے جائزے دی کامیاب تکمیل اچ مدد ملی اے۔ وزیر خزانہ آئی ایم ایف ایگزیکٹو بورڈ دے کل دے اعلان دا خیر مقدم کیتے جیںدے تحت پاکستان کوں تقریباً1 ارب امریکی ڈالر اَتے ریزیلئینس اینڈ سسٹین ایبلیٹی فیسلٹی دے پہلے جائزے دی تکمیل نال مزید200 ملین امریکی ڈالر دی فراہمی ممکن تھیسی۔ وزیر خزانہ آکھیا جو آئی ایم ایف منیے جو پاکستان حالیہ تباہ کن سیلاباں دے باوجود پروگرام تے مضبوط عمل درآمد برقرار رکھیے، جیںدے نال استحکام اچ مدد ملی اَتے مالی و بیرونی صورتحال بہتر تھئی اے۔ انہاں آکھیا جو آئی ایم ایف دے جائزے ہک واری ول ایں ڳالھ دی توثیق کیتی اے جو پاکستان سیلاب ڄھعیں بحران دا سامݨا کہیں فوری بین الاقوامی امداد دی لوڑھ دے بغیر کر سڳدے جیڑھا ملک دی مستحکم مالی اَتے بیرونی پوزیشن دا مظہر اے، وزیر خزانہ ایں اعتراف کوں ہک اہم سنگِ میل قرار ݙتے