وزیر خزانہ محمد اورنگزیب دی اینٹ انٹرنیشنل اتے ایزی پیسہ ڈیجیٹل بینک دے وفد نال ملاقات

اسلام آباد۔18دسمبر(اے پی پی) وفاقی وزیر خزانہ و محصولات سینیٹر محمد اورنگزیب وزارتِ خزانہ اچ اینٹ انٹرنیشنل (Ant International) تے ایزی پیسہ ڈیجیٹل بنک دے اعلیٰ سطح دے وفد نال ملاقات کیتی۔ وفد اچ اینٹ انٹرنیشنل دے صدر اتے اینٹ گروپ دے سینئر نائب صدر ڈگلس فیگن، ایزی پیسہ ڈیجیٹل بینک دے چیئرمین عرفان وہاب خان اتے ایزی پیسہ ڈیجیٹل بینک دے صدر و چیف ایگزیکٹو آفیسر جہانزیب خان شامل ہن۔ ملاقات اچ پاکستان اچ ڈیجیٹل معیشت دے ودھارے، کیش لیس نظام دی توسیع اتے مالی شمولیت کوں اگوں ودھاوݨ دے امور تے تفصیلی ڳالھ کیتی ڳئی۔ ڈگلس فیگن پاکستان اچ ڈیجیٹل معیشت دے ودھارے کیتے اینٹ انٹرنیشنل اتے اینٹ گروپ دا عزم دوہرایاے۔ وزیر خزانہ آکھیا جو ڈیجیٹل پلیٹ فارمز دے ذریعے عام شہریاں کوں محفوظ اتے قلیل مدتی سرکاری سیکیورٹیز اچ سرمایہ کاری دے مواقع ݙتے ونڄ سڳدن، جیندے نال نظام اچ شفافیت ودھسی اتے نجی شعبے کیتے مالی گنجائش پیدا تھیسی۔ ملاقات اچ ورچوئل اثاثیاں اتے نویں مالی ٹیکنالوجیز تے وی الائے۔ فریقین ڈیجیٹل ادائیگیاں، مالی شمولیت، سرمایہ کاری دے مواقع اتے ٹیکنالوجی دے استعمال دے ودھارے کیتے قریبی تعاون جاری رکھݨ دا عزم دوہرائے۔