پاکستان بنگلادیش کوں ہرا تے انڈر 19 ایشیا کپ دے فائنل اچ پڄ ڳئے

دبئی۔ 19 دسمبر(اے پی پی)انڈر 19 کرکٹ ایشیا کپ دے سیمی فائنل اچ پاکستان بنگلادیش کوں 8 وکٹاں توں ہرا تے فائنل کیتے کوالیفائی کر گھدے۔ پاکستان انڈر 19 کرکٹ ٹیم بنگلادیش ولوں ملݨ آلا 121 رنز دا ہدف 17 ویں اوور اچ صرف 2 وکٹاں دے ضیان تے پورا کیتے۔ پاکستان ولوں سمیر منہاس 69 رنز بݨا تے ناٹ آؤٹ رہین۔ عثمان خان 27 اتے احمد حسین 11 رنز بݨائن۔ ایندے توں پہلے دبئی اچ تھیوݨ آلے انڈر 19 کرکٹ ایشیا کپ دے پہلے سیمی فائنل اچ پاکستان ٹاس جِت تے بنگلادیش کوں پہلے بیٹنگ کرݨ دی دعوت ݙتی ہئی۔ پہلے بیٹنگ کریندے ہوئیں بنگلادیش دی پوری ٹیم 26.3 اوورز اچ صرف 121 رنز بݨا تے آئوٹ تھی ڳئی۔ بعد اچ بارش آڳئی جیں پاروں میچ 27 اووراں تئین محدود کر ݙتا ڳئے اتے پاکستان کوں 121 رنز دا ٹارگٹ ملیے۔ بنگلا دیش ولوں سمیعون بصیر 33 اتے عزیز الحکیم 20 رنزنال نمایاں رہین۔ رفعت بیگ 14 رنز ٻݨائے اتے ٻیا کوئی کھلاڑی ڈبل فگر پورے نا کر سڳیا۔ پاکستان پاکستان ولوں عبدالسبحان 4، حضیفہ احسن 2، علی رضا، محمد صیام اتے احمد حسین ہک ہک وکٹ ڳھدی۔