سکیورٹی فورسز دی ضلع قلات وچ کارروائی، چار دہشت گرد ہلاک

راولپنڈی (اے پی پی) بلوچستان دے ضلع قلات وچ خفیہ اطلاعات دی بنیاد تے کیتے ڳئے ہک آپریشن دے دوران چار بھارتی حمایت یافتہ دہشت گرد ہلاک کر ݙتے ڳئن۔آئی ایس پی آر موجب سکیورٹی فورسز اے آپریشن بھارتی پراکسی “فتنہ ہندوستان” نال تعلق رکھݨ آلے دہشت گرداں دی موجودگی دی اطلاع تے کیتا۔ آپریشن دے دوران، فورسز دہشت گرداں دے ٹھکاݨے کوں مؤثر انداز نال نشانہ بݨایا، تے شدید فائرنگ دے تبادلے توں بعد چار بھارتی سپانسرڈ دہشت گرداں کوں جہنم واصل کر ݙتا ڳیا۔ہلاک تھیوݨ آلے دہشت گرداں دے قبضے توں اسلحہ، گولہ بارود تے دھماکہ خیز مواد وی برآمد کیتا ڳئے۔ اے دہشت گرد علاقے وچ دہشت گردی دی کئی کارروائیاں وچ ملوث ہن۔ علاقے وچ موجود کہیں وی ٻئے بھارتی حمایت یافتہ دہشت گرد دے خاتمے کیتے سینیٹائزیشن آپریشن جاری اے۔نیشنل ایکشن پلان دی فیڈرل ایپکس کمیٹی ولوں منظور شدہ ویژن “عزمِ استحکام” دے تحت، پاکستان دیاں سکیورٹی فورسز تے قانون نافذ کرݨ آلے اداریں دی انسدادِ دہشت گردی مہم پوری رفتار نال جاری رہسی تاں جو ملک توں غیر ملکی سرپرستی وچ تھیوݨ آلی دہشت گردی دا مکمل خاتمہ کیتا ونڄ سڳے۔