اسلام آباد۔ 29 دسمبر (اے پی پی) ترجمان دفتر خارجہ بھارت اوچ اقلیتاں تے تھیوݨ آلے ظلم تے ستم کوں تشویش ناک قرار ڈیندیں ہوئیں آکھیا جو کرسمس دے موقع تے توڑ پھوڑ تے مسلماناں کوں نشانہ ٻݨاوݨ کیتے ریاستی سرپرستی اچ چلݨ آلی مہم اقلیتاں بالخصوص مسلماناں اچ خوف و ہراس کوں ٻیا ودھا ڈتے ۔ سنوار کوں دفتر خارجہ دے ترجمان طاہر اندرابی آکھیا جو بھارت اچ مسلماناں …
کرسمس دے موقع تے توڑ پھوڑ تے مسلماناں کوں نشانہ ٻݨاوݨ کیتے ریاستی مہم بھارت اچ اقلیتاں دا خوف ودھائے، ترجمان دفتر خارجہ
اسلام آباد۔ 29 دسمبر (اے پی پی) ترجمان دفتر خارجہ بھارت اوچ اقلیتاں تے تھیوݨ آلے ظلم تے ستم کوں تشویش ناک قرار ڈیندیں ہوئیں آکھیا جو کرسمس دے موقع تے توڑ پھوڑ تے مسلماناں کوں نشانہ ٻݨاوݨ کیتے ریاستی سرپرستی اچ چلݨ آلی مہم اقلیتاں بالخصوص مسلماناں اچ خوف و ہراس کوں ٻیا ودھا ڈتے ۔ سنوار کوں دفتر خارجہ دے ترجمان طاہر اندرابی آکھیا جو بھارت اچ مسلماناں دے گھراں کوں مسمار کرݨ تے ہجوم ولوں قتل دی وارداتاں، خاص طور تے محمد اخلاق دا واقعہ جیندے اچ ریاست نے مجرماں کوں بچایا، اے سب بہوں افسوسناک اے۔ انھاں مطالبہ کیتا جو عالمی برادری انھاں واقعات دا نوٹس گھنے تے بھارت اچ کمزور طبقیاں دے بنیادی حقوق دے تحفظ کیتے اقدامات کرے، کیوں جو ایں ظلم دے خلاف آواز بلند کرݨ اچ انسانیت دی بقا اے تے ہر انصاف پسند شخص ایں جدوجہد اچ نال کھڑا تھیسی۔
