وفاقی وزیر داخلہ محسن نقوی دا شاہین چوک انڈر پاس دا دورہ، 31 دسمبر تئیں ٹریفک کیتے کھولݨ دا اعلان

اسلام آباد۔ 29 دسمبر (اے پی پی) وفاقی وزیر داخلہ محسن نقوی عوامی سہولت دے وݙے منصوبے ’شاہین چوک انڈر پاس‘ دا سویرے سویرے دورہ کیتے تے ریکارڈ مدت اچ کم دی تکمیل دا جائزہ گھندیں ہوئیں اینکوں 31 دسمبر تئیں ہر قسم دی ٹریفک کیتے کھولݨ دا اعلان کر ڈتے۔ دورے دے دوران وفاقی وزیر انڈر پاس دی فنشنگ تے تعمیراتی معیار دا معائنہ کیتے۔ انہاں آکھیا جو شاہین چوک انڈر پاس دی تکمیل نال وفاقی دارالحکومت اچ ٹریفک دا دیرینہ مسئلہ مستقل بنیاداں تے حل تھی ویسی۔ چیئرمین سی ڈی اے وفاقی وزیر کوں بریفنگ ݙتی جو کم چھیکڑی مراحل اچ اے تے فنشنگ دا کم تیزی نال مکمل کیتا ویندا پئے۔ دورے دے دوران آئی جی اسلام آباد پولیس، ممبر انجینئرنگ سی ڈی اے اتے ٻئے متعلقہ افسر وی موجود ہن۔