اسلام آباد۔ 29 دسمبر (اے پی پی) چیئرمین سینیٹ سید یوسف رضا گیلانی آکھیے جو بانی پاکستان قائد اعظم محمد علی جناح ہک مدبر سیاستدان ہن، انہاں دی قیادت دیانت، آئینی جدوجہد تے انصاف نال غیر متزلزل وابستگی دے ذریعے تاریخ دا رخ موڑ ݙتے، پاکستان بطور قوم قائداعظم دے وژن، اصولاں تے اخلاقی اقدار کوں زندہ رکھݨ کیتے پرعزم اے، ملک دا مستقبل نوجوان نسل نال وابستہ اے، انہاں …
پاکستان بطور قوم قائداعظم دے وژن تے اصولاں کوں زندہ رکھݨ کیتے پرعزم اے،چیئرمین سینیٹ سید یوسف رضا گیلانی دا تقریب توں خطاب
اسلام آباد۔ 29 دسمبر (اے پی پی) چیئرمین سینیٹ سید یوسف رضا گیلانی آکھیے جو بانی پاکستان قائد اعظم محمد علی جناح ہک مدبر سیاستدان ہن، انہاں دی قیادت دیانت، آئینی جدوجہد تے انصاف نال غیر متزلزل وابستگی دے ذریعے تاریخ دا رخ موڑ ݙتے، پاکستان بطور قوم قائداعظم دے وژن، اصولاں تے اخلاقی اقدار کوں زندہ رکھݨ کیتے پرعزم اے، ملک دا مستقبل نوجوان نسل نال وابستہ اے، انہاں کوں قائد دے وژن دے مطابق اتحاد، نظم و ضبط، آئین پسندی تے قانون دی حکمرانی دے اصولاں کوں اپناوݨا چاہیدے۔ اے ڳالھیں انہاں سنوار کوں اتھاں ایوانِ صدر اچ بابائے قوم دے 149 ویں یومِ پیدائش دے موقع تے ’’قائد تے بچے‘‘ دے موضوع تے منعقدہ تقریب نال خطاب کریندیں ہوئیں کیتے۔ تقریب اچ مختلف سکولاں دے طلبہ قومی نغمیاں، تلاوت، نعت تے دلکش پرفارمنسز دے ذریعے بابائے قوم قائداعظم محمد علی جناح کوں خراجِ عقیدت پیش کیتے۔ چیئرمین سینیٹ آکھیا جو قائداعظم جمہوری تے آئینی طریقیاں تے پختہ یقین رکھیندن۔ انہاں واضح کیتا جو پاکستان دا قیام احتجاج یا ہنگامہ آرائی نال نئیں بلکہ منطقی مکالمے، قانونی بصیرت تے اخلاقی اتھارٹی دے ذریعے عمل اچ آئے۔ انہاں آکھیا جو بدعنوانی، اقرباء پروری تے ناانصافی دے خاتمے متعلق قائداعظم دی ہدایات اج وی پوری طرح موثر تے قابلِ عمل ہن۔ تقریب دے چھیکڑ اچ چیئرمین سینیٹ سید یوسف رضا گیلانی وزیرِ مملکت برائے تعلیم وجیہہ قمر تے ٻئے حکام نال رل تے کیک کٹیا۔
