نائب وزیرِ اعظم اتے وزیرِ خارجہ سینیٹر محمد اسحاق ڈار دی صدارت اچ اجلاس،وزیرِ اعظم محمد شہباز شریف دے آندے دورے دی تیاریاں دا جائزہ گھدا ڳیا

اسلام آباد۔ 29 دسمبر (اے پی پی) نائب وزیرِ اعظم اتے وزیرِ خارجہ سینیٹر محمد اسحاق ڈار سنوار کوں ہک بریفنگ اجلاس دی صدارت کیتی جیندے اچ وزیرِ اعظم محمد شہباز شریف دے آندے دورے دی تیاریاں دا جائزہ گھدا گیا ، وزیرِ اعظم 19 توں 23 جنوری 2026 تئیں ڈیووس-کلوسترز، سوئٹزرلینڈ اچ تھیوݨ والے ورلڈ اکنامک فورم (ڈبلیو ای ایف) دے 56 ویں سالانہ اجلاس اچ شرکت کریسن۔ سنوار کوں وزارتِ خارجہ توں جاری بیان دے مطابق اجلاس اچ سیکرٹری خارجہ تے جنیوا اچ پاکستان دے مستقل نمائندے سمیت سینئر حکام نائب وزیرِ اعظم تے وزیرِ خارجہ سینیٹر محمد اسحاق ڈار کوں تیاریاں، مجوزہ پروگرام تے ورلڈ اکنامک فورم دے ایجنڈے بارے بریفنگ ݙتی۔ دورے دے دوران ݙوطرفہ ملاقاتاں دے پہلو تے وسیع میڈیا مصروفیات دے حوالے نال وی تفصیل نال گالھ مہاڑ کیتی گئی ۔ نائب وزیرِ اعظم تے وزیرِ خارجہ ہدایت کیتی جو آوݨ آلے سربراہانِ مملکت، سربراہانِ حکومت تے اقتصادی، کاروباری تے مالیاتی اداریاں دی اعلیٰ قیادت نال ملاقاتاں کوں ودھ توں ودھ مؤثر بݨایا ونجے۔ انہاں زور ݙتا جو نجی شعبے دے کاروباری اداریاں نال تعاون دے مواقع تلاش کیتے ونجن۔