اسلام آباد۔ 29 دسمبر (اے پی پی) وزیراعظم محمد شہباز شریف باجوڑ دے علاقے خار اچ فتنہ الہندوستان نال تعلق رکھݨ آلے خوارج دے خلاف کارروائی تے سکیورٹی فورسز کوں خراجِ تحسین پیش کیتے اتے آپریشن اچ 5 خوارج کوں ہلاک کرݨ تے سکیورٹی فورسز کوں شاباش ݙتی اے۔ سنوار کوں وزیراعظم آفس دے میڈیا ونگ توں جاری بیان دے مطابق وزیراعظم آپریشن دے دوران جامِ شہادت نوش کرݨ آلے …
وزیراعظم شہباز شریف دا باجوڑ اچ خوارج دے خلاف کارروائی تے سکیورٹی فورسز کوں خراجِ تحسین،شہید میجر عدیل زمان کیتے خراجِ عقیدت
اسلام آباد۔ 29 دسمبر (اے پی پی) وزیراعظم محمد شہباز شریف باجوڑ دے علاقے خار اچ فتنہ الہندوستان نال تعلق رکھݨ آلے خوارج دے خلاف کارروائی تے سکیورٹی فورسز کوں خراجِ تحسین پیش کیتے اتے آپریشن اچ 5 خوارج کوں ہلاک کرݨ تے سکیورٹی فورسز کوں شاباش ݙتی اے۔ سنوار کوں وزیراعظم آفس دے میڈیا ونگ توں جاری بیان دے مطابق وزیراعظم آپریشن دے دوران جامِ شہادت نوش کرݨ آلے میجر عدیل زمان کوں خراجِ عقیدت پیش کریندیں ہوئیں انہاں دے درجات دی بلندی کیتے دعا کیتی اتے انہاں دے اہل خانہ نال دلی ہمدردی تے تعزیت دا اظہار کیتے۔ وزیراعظم آکھیا جو آپریشن عزم تے استحکام دے تحت سکیورٹی فورسز دہشت گردی دے خلاف کامیابیاں حاصل کریندیاں پئن، پوری قوم دہشت گردی دے خلاف ایں جنگ اچ پاکستان دی افواج دے نال کھڑی اے۔ وزیراعظم ملک کوں ہر قسم دی دہشت گردی توں پاک کرݨ دے عزم دا وی اظہار کیتے اے۔
