اسلام آباد۔ 30 دسمبر (اے پی پی) صدر مملکت آصف علی زرداری روس دے صدر ولادیمیر پیوٹن دی رہائش گاہ تے ڈرون حملے دی اطلاعات تے تشویش دا اظہار کریندیں ہوئیں خبردار کیتے جو ایجھے واقعات توں تنازعے دے پرامن حل کیتے جاری کوششاں کوں نقصان دا خطرہ اے۔ منگل کوں ایوانِ صدر دے میڈیا ونگ دے مطابق صدر مملکت آکھیا جو ہک نازک موقع تے جݙاں جنگ دے خاتمے …
صدر مملکت آصف علی زرداری دی روس دے صدر ولادیمیر پیوٹن دی رہائش گاہ تے ڈرون حملے دی اطلاعات تے تشویش
اسلام آباد۔ 30 دسمبر (اے پی پی) صدر مملکت آصف علی زرداری روس دے صدر ولادیمیر پیوٹن دی رہائش گاہ تے ڈرون حملے دی اطلاعات تے تشویش دا اظہار کریندیں ہوئیں خبردار کیتے جو ایجھے واقعات توں تنازعے دے پرامن حل کیتے جاری کوششاں کوں نقصان دا خطرہ اے۔ منگل کوں ایوانِ صدر دے میڈیا ونگ دے مطابق صدر مملکت آکھیا جو ہک نازک موقع تے جݙاں جنگ دے خاتمے کیتے گالھ مہاڑ ہک حساس مرحلے تے اے، ایجھے اقدامات جیڑھے کشیدگی کوں ودھیندن، انتہائی نقصان دہ ہن۔ انہاں ݙوہیں فریقین تے زور ݙتا جو او انتہائی تحمل دا مظاہرہ کرن تے گالھ مہاڑ تے سفارت کاری دی کامیابی دی پاسے قدم چاون۔ صدر آصف علی زرداری ایں ڳالھ تے زور ݙتا جو امن ای اڳوں ودھݨ دا ہکو راہ اے اتے حالات کوں ٻیا وڳڑݨ توں روکݨ کیتے تحمل تے ذمہ داری ضروری اے۔
