ڈھاکہ۔ 31 دسمبر (اے پی پی) سپیکر قومی اسمبلی سردار ایاز صادق بنگلہ دیش دی سابق وزیراعظم خالدہ ضیاء دی رہائش گاہ تے ونڄ تے مرحومہ دے ٻالاں نال انہاں دی والدہ دے انتقال تے ݙکھ تے افسوس کیتا۔ قومی اسمبلی سیکرٹریٹ دے مطابق سپیکر مرحومہ خالدہ ضیاء دے پتر طارق رحمان تے دھی نال انہاں دی رہائش گاہ تے ملاقات کیتی اتے تعزیت دا اظہار کیتا تے آکھیا جو …
سپیکر قومی اسمبلی سردار ایاز صادق دی بنگلہ دیش دی سابق وزیراعظم خالدہ ضیاء دی رہائش گاہ تے آمد، مرحومہ دے ٻالاں نال تعزیت کیتی
ڈھاکہ۔ 31 دسمبر (اے پی پی) سپیکر قومی اسمبلی سردار ایاز صادق بنگلہ دیش دی سابق وزیراعظم خالدہ ضیاء دی رہائش گاہ تے ونڄ تے مرحومہ دے ٻالاں نال انہاں دی والدہ دے انتقال تے ݙکھ تے افسوس کیتا۔ قومی اسمبلی سیکرٹریٹ دے مطابق سپیکر مرحومہ خالدہ ضیاء دے پتر طارق رحمان تے دھی نال انہاں دی رہائش گاہ تے ملاقات کیتی اتے تعزیت دا اظہار کیتا تے آکھیا جو ݙکھ تے رنج دی ایں گھڑی اچ حکومتِ پاکستان تے عوام تساݙے نال کھڑن۔ مرحومہ خالدہ ضیاء دے پتر تے دھی تعزیت تے نمازِ جنازہ اچ شرکت تے سپیکر سردار ایاز صادق دا شکریہ ادا کیتا۔ سپیکر سردار ایاز صادق بنگلہ دیش دے نیشنل سکیورٹی ایڈوائزر خلیل الرحمٰن نال وی ملاقات کیتی اتے صدر تے وزیراعظم پاکستان ولوں ہمدردی تے تعزیت دا سنیھا پڄایا۔ سپیکر سردار ایاز صادق مشیرِ قانون بنگلہ دیش آصف نظرل نال وی ملاقات کیتی جیندے اچ ݙوہیں پاسوں آپسی دلچسپی دے معاملیاں تے ڳالھ مہاڑ کیتی ڳئی۔
