اسلام آباد۔ 31 دسمبر (اے پی پی) وفاقی وزیر منصوبہ بندی، ترقی تے خصوصی اقدامات پروفیسر احسن اقبال دی صدارت تعلیمی اداریاں اچ بھرتیاں کیتے پے انگ سکیل نظام دے جائزے کیتے قائم ٹاسک فورس دا ستواں اجلاس تھیا۔ ایں موقع تے وفاقی وزیر آکھیا جو ٹی ٹی ایس سکیل دے تحت بھرتی تھیوݨ آلے اساتذہ دی تنخواہواں کوں مارکیٹ دے مطابق مسابقتی بݨایا ویسی۔ انہاں آکھیا جو مسلم لیگ …
ٹی ٹی ایس سکیل دے تحت بھرتی تھیوݨ آلے اساتذہ دی تنخواہویں کوں مارکیٹ دے مطابق مسابقتی بݨایا ویسی، وفاقی وزیر منصوبہ بندی دا اجلاس نال خطاب
اسلام آباد۔ 31 دسمبر (اے پی پی) وفاقی وزیر منصوبہ بندی، ترقی تے خصوصی اقدامات پروفیسر احسن اقبال دی صدارت تعلیمی اداریاں اچ بھرتیاں کیتے پے انگ سکیل نظام دے جائزے کیتے قائم ٹاسک فورس دا ستواں اجلاس تھیا۔ ایں موقع تے وفاقی وزیر آکھیا جو ٹی ٹی ایس سکیل دے تحت بھرتی تھیوݨ آلے اساتذہ دی تنخواہواں کوں مارکیٹ دے مطابق مسابقتی بݨایا ویسی۔ انہاں آکھیا جو مسلم لیگ ن دی حکومتاں اچ ہائیر ایجوکیشن کمیشن کوں خطیر فنڈز ݙتے ڳئے ہن، صوبائی حکومتاں کوں وی ہائیر ایجوکیشن دے شعبے اچ ٻئی ذمہ واری چاوݨی پوسی۔ احسن اقبال ہدایت کیتی جو قابل تے باصلاحیت اساتذہ کوں کارکردگی دی بنیاد تے مراعات ݙیوݨ کیتے مؤثر حکمتِ عملی تیار کیتی ونجے۔ انہاں آکھیا جو باصلاحیت اساتذہ دی تعلیمی اداریاں اچ خدمات کوں برقرار رکھݨ کیتے مؤثر اقدامات کیتے ویندے پئن۔ وفاقی وزیر آکھیا جو یونیورسٹیاں دا معیار اساتذہ دے معیار نال جڑیا ہویا اے، اعلیٰ تعلیمی ادارے ملک دے معاشی مسئلیاں دے حل اچ کردار ادا کرن۔پروفیسر احسن اقبال آکھیا جو پروموشن دے نظام کوں مکمل طور تے مسابقت دی بنیاد تے ترتیب ݙتا ویندا پئے۔ انہاں زور ݙتا جو اعلیٰ تعلیم اچ داخلہ شرح 13 فیصد توں گھٹ اے ایندے اچ ترائے گنا اضافہ کرݨ دی لوڑھ اے۔
