اسلام آباد۔ 31 دسمبر (اے پی پی) وفاقی وزیر برائے نیشنل ہیریٹیج اینڈ کلچر ڈویژن اورنگزیب خان کھچی نال نیشنل یونیورسٹی آف ماڈرن لینگویجز (نمل) دے ریکٹر میجر جنرل (ر) شاہد محمود کیانی ٻدھ کوں ملاقات کیتی جیندے اچ زبان تے ثقافت دے شعبیاں اچ آپسی دلچسپی دے معاملیاں تے تعاون دے امکانات تے ڳالھ کیتی ڳئی۔ ملاقات دے دوران ݙوہیں پاسوں نیشنل ہیریٹیج اینڈ کلچر ڈویژن تے نمل وچال …
وفاقی وزیر نیشنل ہیریٹیج اینڈ کلچر ڈویژن اورنگزیب خان کھچی نال ریکٹر نمل دی ملاقات،زبان تے ثقافت دے شعبیاں اچ آپسی دلچسپی دے معاملیاں تے تعاون دے امکانات تے ڳالھ مہاڑ
اسلام آباد۔ 31 دسمبر (اے پی پی) وفاقی وزیر برائے نیشنل ہیریٹیج اینڈ کلچر ڈویژن اورنگزیب خان کھچی نال نیشنل یونیورسٹی آف ماڈرن لینگویجز (نمل) دے ریکٹر میجر جنرل (ر) شاہد محمود کیانی ٻدھ کوں ملاقات کیتی جیندے اچ زبان تے ثقافت دے شعبیاں اچ آپسی دلچسپی دے معاملیاں تے تعاون دے امکانات تے ڳالھ کیتی ڳئی۔ ملاقات دے دوران ݙوہیں پاسوں نیشنل ہیریٹیج اینڈ کلچر ڈویژن تے نمل وچال زباناں دے فروغ، ثقافتی تبادلیاں، تعلیمی تعاون تے مشترکہ ثقافتی سرگرمیاں دے فروغ کیتے ݙوپاسہ تعاون کوں مضبوط بݨاوݨ تے اتفاق کیتا۔ ریکٹر نمل وفاقی وزیر کوں یونیورسٹی دے تعلیمی تے ادارہ جاتی معاملیاں توں آگاہ کیتا تے ݙسایا جو نمل تعلیم، تحقیق تے آئوٹ ریچ پروگرامز دے ذریعے قومی ثقافتی پالیسیاں دے نفاذ وچ اہم کردار ادا کرݨ دی بھرپور صلاحیت رکھیندی اے۔ میجر جنرل (ر) شاہد محمود کیانی ݙسایا جو نمل گلگت بلتستان اچ تعلیمی خدمات دے فروغ کیتے زمین حاصل کرݨ یا عمارت کرائے تے گھنݨ دے امکانات دا جائزہ گھندی پئی اے۔ انہاں ݙسایا جو ایں ویلھے نمل دے مختلف کیمپسز اچ تقریباً 9 ہزار طلبہ کوں مفت تعلیم ݙتی ویندی پئی اے۔ وفاقی وزیر اورنگزیب خان کھچی ایں اقدام کوں سراہندیں ہوئیں نمل اچ لوک میلے دی طرز تے اپریل اچ ’’کلچرل ایونٹ ویک‘‘ کرواوݨ دی تجویز ݙتی۔ ملاقات اچ سیکرٹری نیشنل ہیریٹیج اینڈ کلچر ڈویژن اسد رحمان گیلانی وی موجود ہن۔
