اسلام آباد۔ 31 دسمبر (اے پی پی) وفاقی وزیر داخلہ محسن نقوی پولیس ملازمین دی فلاح و بہبود کیتے وݙے اعلانات کریندے زیر تربیت اے ایس پیز کوں سوکھیاں قسطاں تے پلاٹس تے کانسٹیبلز دے ٻالاں دے تعلیمی اخراجات نیشنل پولیس فاؤنڈیشن دی طرفوں برداشت کرݨ دا فیصلہ کیتے۔ اے اعلان وفاقی وزیرداخلہ نیشنل پولیس فاؤنڈیشن (NPF) دے دورے دے دوران اعلیٰ سطح دے اجلاس نال خطاب کریندے آکھی۔ ایں …
وزیرداخلہ محسن نقوی دی صدارت وچ اعلیٰ سطح دا اجلاس، زیر تربیت اے ایس پیز کوں سوکھیاں قسطاں تے پلاٹس تے کانسٹیبلز دے ٻالاں کوں مفت اعلیٰ تعلیم ݙیوݨ دا فیصلہ
اسلام آباد۔ 31 دسمبر (اے پی پی) وفاقی وزیر داخلہ محسن نقوی پولیس ملازمین دی فلاح و بہبود کیتے وݙے اعلانات کریندے زیر تربیت اے ایس پیز کوں سوکھیاں قسطاں تے پلاٹس تے کانسٹیبلز دے ٻالاں دے تعلیمی اخراجات نیشنل پولیس فاؤنڈیشن دی طرفوں برداشت کرݨ دا فیصلہ کیتے۔ اے اعلان وفاقی وزیرداخلہ نیشنل پولیس فاؤنڈیشن (NPF) دے دورے دے دوران اعلیٰ سطح دے اجلاس نال خطاب کریندے آکھی۔ ایں موقع تے قائم مقام مینیجنگ ڈائریکٹر این پی ایف علی ناصر رضوی ادارے دی کارکردگی تے فلاحی منصوبیں تے بریفنگ ݙتی۔وزیرداخلہ محسن نقوی پولیس فورس دی استعداد کار ودھاوݨ تے ویلفیئر کیتے اہم فیصلے کیتے۔ اعلانات موجب نیشنل پولیس اکیڈمی وچ زیر تربیت اے ایس پیز (ASPs) کوں ہر سال سوکھیاں تے تھوڑے قسطاں تے پلاٹس ݙتے ویسن۔ پولیس اہلکاراں دی فیملیز دی فلاح و بہبود دے حوالے نال وزیر داخلہ محسن نقوی اعلان کیتا جو 15 کانسٹیبلز دے او پتر یا دھیریں جیڑھے پاکستان دی بہترین یونیورسٹیاں وچ میرٹ تے داخلہ گھنسن، انھاں دے سارے تعلیمی اخراجات نیشنل پولیس فاؤنڈیشن برداشت کریسی۔پیشہ ورانہ تربیت دے ودھارے کیتے وزیر داخلہ فیصلہ کیتا جو پورے پاکستان توں ہر سال 10 انسپکٹرز، سب انسپکٹرز تے اے ایس آئیز کوں اسکالرشپ تے پولیسنگ متعلق کورسز کیتے ٻاہرلے ملک بھیجا ویسی۔ ایویں جدید ٹیکنالوجی نال لیس تھیوݨ کیتے ہر سال 5 ایس پی / ایس ایس پی رینک دے افسران کوں مصنوعی ذہانت (AI) وچ ڈگری کیتے اسکالرشپ تے ٻاہرلے ملک بھیڄا ویسی۔ محسن نقوی آکھیا جو نیشنل پولیس فاؤنڈیشن کوں پولیس ملازمین دی فلاح کیتے ہک متحرک ادارہ بݨاوݨ ساݙا مشن اے۔
