وفاقی وزیر آئی ٹی و ٹیلی کام شزا فاطمہ خواجہ دا سیکٹر G-9 وچ تعمیر تھیوݨ آلے “پاکستان آسان خدمت سینٹر” دا دورہ

اسلام آباد۔ 31 دسمبر (اے پی پی) وفاقی وزیر آئی ٹی و ٹیلی کام شزا فاطمہ خواجہ اسلام آباد دے سیکٹر G-9 وچ تعمیر تھیوݨ آلے “پاکستان آسان خدمت سینٹر” دا دورہ کیتا، اے سینٹر آذربائیجان تے پاکستان دے سانجھے اشتراک نال قائم کیتا ویندا پئے تے تکمیل دے نیڑے ہے۔ تفصیل موجب پاکستان آسان خدمت سینٹر وزیراعظم محمد شہباز شریف دے ڈیجیٹل نیشن وژن دے تحت بین الاقوامی معیار دی شہری خدمات ݙیوݨ کیتے ڈیزائن کیتا ڳئے۔دورے دے دوران وفاقی وزیر کوں شہریاں کوں سروس ڈلیوری، انٹیگریٹڈ عوامی خدمات تے ٹیکنالوجی تے مبنی فیسلیٹیشن ماڈل تے تفصیلی بریفنگ ݙتی ڳئی۔ شزا فاطمہ خواجہ بطور صارف سسٹم توں سروس حاصل کرتے عوامی سہولتاں دے معیار دا عملی جائزہ ڳھدا تے ڈیجیٹل نظام تے مکمل اعتماد دا اظہار کیتا۔ انھاں آکھیا جو اے مرکز عوام تے حکومت وچال براہِ راست رابطے کوں موثر، آسان تے شفاف بݨاوݨ وچ ہک اہم سنگِ میل ثابت تھیسی جِتھاں 80 توں ودھ سرکاری خدمات ہک ای چھت دے تلے دستیاب ہوسن۔ وفاقی وزیر مزید آکھیا جو پاکستان دے ڈیجیٹل گورننس ماڈل کوں مضبوط بݨاوݨ کیتے ایجھے فسیلیٹیشن سینٹرز کلیدی کردار ادا کریسن۔