اسلام آباد۔ 1 جنوری (اے پی پی) نائب وزیراعظم تے وزیر خارجہ سینیٹر محمد اسحاق ڈار مقامی ریفائنریاں اچ تیار کیتے ونڄݨ آلے پٹرول اچ ایتھنول دی آمیزش (ملاوٹ) بارے تجویز تے ہک اجلاس دی صدارت کیتی۔ خمیس کوں نائب وزیراعظم دے دفتر توں جاری بیان دے مطابق چیئرمین اوگرا اجلاس کوں ایں تجویز تے بریفنگ ݙتی۔ تفصیلی غور و خوض توں بعد کمیٹی سفارش کیتی اے جو کیونجو ایں …
نائب وزیراعظم اسحاق ڈار دی صدارت مقامی ریفائنریاں اچ تیار کیتے ونڄݨ آلے پٹرول اچ ایتھنول دی آمیزش بارے تجویز تے اجلاس
اسلام آباد۔ 1 جنوری (اے پی پی) نائب وزیراعظم تے وزیر خارجہ سینیٹر محمد اسحاق ڈار مقامی ریفائنریاں اچ تیار کیتے ونڄݨ آلے پٹرول اچ ایتھنول دی آمیزش (ملاوٹ) بارے تجویز تے ہک اجلاس دی صدارت کیتی۔ خمیس کوں نائب وزیراعظم دے دفتر توں جاری بیان دے مطابق چیئرمین اوگرا اجلاس کوں ایں تجویز تے بریفنگ ݙتی۔ تفصیلی غور و خوض توں بعد کمیٹی سفارش کیتی اے جو کیونجو ایں وقت ایتھنول دی قیمتاں پٹرول دے مقابلے اچ ودھ ہن، ایں کیتے ریفائنریاں تے ایتھنول تیار کرݨ آلی صنعت کیتے مالی طور تے فائدہ مند ہووݨ دی شرط دے نال ایتھنول دی رضاکارانہ آمیزش دی پالیسی اختیار کیتی ونڄے۔ اوگرا کوں ہدایت کیتی ڳئی اے جو او ایتھنول دی برآمدات تے مقامی طور تے تیار کیتے ونڄݨ آلے پٹرول اچ ایندی آمیزش دے مالی پہلوواں دا سہ ماہی بنیاداں تے جائزہ گھنے تے آپݨی رپورٹ پٹرولیم ڈویژن دے ذریعے وزیراعظم آفس کوں پیش کرے۔ اجلاس اچ وزیراعظم دے معاون خصوصی طارق باجوہ، سیکریٹری پٹرولیم، سیکریٹری صنعت تے پیداوار، چیئرمین اوگرا، پاکستان ایتھنول مینوفیکچررز ایسوسی ایشن تے پاکستان آٹو موٹو مینوفیکچررز ایسوسی ایشن دے نمائندیاں شرکت کیتی۔
