اسلام آباد۔ 1 جنوری (اے پی پی) وفاقی وزیر تخفیفِ غربت و سماجی تحفظ سید عمران احمد شاہ آکھیے جو نواں سال عوامی خدمت، فلاحی اقدامات تے سماجی تحفظ دے نظام کوں مزید مضبوط بݨاوݨ دا سال ہوسی۔ نویں سال دے آغاز تے قوم دے ناں اپݨے پیغام وچ انھاں آکھیا جو گزریل سال وزارت تے ایندے ماتحت اداریں محروم تے مستحق طبقیں دی خدمت کیتے موثر کردار ادا کیتا۔انھاں …
نواں سال عوامی خدمت، فلاحی اقدامات تے سماجی تحفظ دے نظام کوں مزید مضبوط بݨاوݨ دا سال ہوسی، سید عمران احمد شاہ
اسلام آباد۔ 1 جنوری (اے پی پی) وفاقی وزیر تخفیفِ غربت و سماجی تحفظ سید عمران احمد شاہ آکھیے جو نواں سال عوامی خدمت، فلاحی اقدامات تے سماجی تحفظ دے نظام کوں مزید مضبوط بݨاوݨ دا سال ہوسی۔ نویں سال دے آغاز تے قوم دے ناں اپݨے پیغام وچ انھاں آکھیا جو گزریل سال وزارت تے ایندے ماتحت اداریں محروم تے مستحق طبقیں دی خدمت کیتے موثر کردار ادا کیتا۔انھاں آکھیا جو پی پی اے ایف، ٹی وی او، پاکستان بیت المال تے بی آئی ایس پی گزریل سال مستحقین دی معاونت وچ نمایاں ریہے ہن۔ وفاقی وزیر آکھیا جو آوݨ آلے سال وچ سارے صوبیں تے علاقیں، گلگت بلتستان، آزاد کشمیر، بلوچستان، سندھ، پنجاب تے خیبرپختونخوا دے دورے کیتے ویسن تاں جو سہولتاں دا جائزہ ڳھدا ونڄ سڳے۔ انھاں آکھیا جو ہسپتالاں تے یونیورسٹیاں وچ مستحقین دے مسئلیں ترجیحی بنیاداں تے حل کیتے ویسن۔ وفاقی وزیر ایم ڈی پاکستان بیت المال شاہین خالد بٹ تے بی آئی ایس پی دے سیکرٹری امیر احمد علی دی کارکردگی دی تعریف کیتی۔ انھاں آکھیا جو بی آئی ایس پی دیاں ادائیگیاں ڈیجیٹل والٹس وچ منتقل کرݨ وزیراعظم شہباز شریف دے وژن موجب ہک وݙی اصلاحاتی پیشرفت اے۔
