اسلام آباد۔ 1 جنوری (اے پی پی) سپریم کورٹ آف پاکستان منشیات دے ہک مقدمے وچ اہم آئینی نکتہ طے کریندے قرار ݙتے جو وفاقی قانون دی موجودگی وچ صوبائی قانون دے تحت زیادہ سخت سزا ݙیوݨ آئین دے آرٹیکل 143 دے خلاف اے۔ سپریم کورٹ دے تفصیلی فیصلے دے مطابق جسٹس محمد ہاشم خان کاکڑ تے جسٹس علی باقر نجفی تے مشتمل بینچ ساجد خان دی درخواست تے فیصلہ …
منشیات متعلق صوبائی قانون دے تحت سزا غیر آئینی، وفاقی قانون لاگو ہوسی، سپریم کورٹ
اسلام آباد۔ 1 جنوری (اے پی پی) سپریم کورٹ آف پاکستان منشیات دے ہک مقدمے وچ اہم آئینی نکتہ طے کریندے قرار ݙتے جو وفاقی قانون دی موجودگی وچ صوبائی قانون دے تحت زیادہ سخت سزا ݙیوݨ آئین دے آرٹیکل 143 دے خلاف اے۔ سپریم کورٹ دے تفصیلی فیصلے دے مطابق جسٹس محمد ہاشم خان کاکڑ تے جسٹس علی باقر نجفی تے مشتمل بینچ ساجد خان دی درخواست تے فیصلہ سݨایا۔درخواست گزار کوں پشاور ہائی کورٹ منشیات دے مقدمے وچ صوبائی قانون دے تحت سزا برقرار رکھی ہئی۔ عدالت موجب ساجد خان دے خلاف ایف آئی آر وفاقی قانون (1997) دے تحت درج ہئی پر ٹرائل کورٹ انھاں کوں خیبر پختونخوا دے صوبائی قانون (2019) دے تحت سزا سݨائی جیڑھی جو وفاقی قانون دے مقابلے وچ زیادہ سخت ہئی۔ سپریم کورٹ قرار ݙتے جو آئین دے آرٹیکل 143 دے تحت وفاقی قانون کوں صوبائی قانون تے فوقیت حاصل اے، ایں کیتے صوبائی قانون دے تحت ݙتی ڳئی سزا آئینی طور تے درست کائنی۔ عدالت صوبائی قانون دی سزا کالعدم کریندے درخواست گزار دی سزا وچ نمایاں کمی کرݙتی اے تے انھاں کوں وفاقی قانون دے تحت پنج سال قیدِ بامشقت تے ہک لکھ روپے جرمانے دی سزا سݨائی اے۔
