چھویویں تے ستاویویں آئینی ترمیم دے مثبت ثمرات وقتی عوام تئیں پڄݨ شروع تھی ویسن، اعظم نذیر تارڑ

راولپنڈی۔ 1 جنوری (اے پی پی) وفاقی وزیر قانون و انصاف سینیٹر اعظم نذیر تارڑ آکھیے جو چھویویں تے ستاویویں آئینی ترامیم سارے سٹیک ہولڈرز کوں آن بورڈ گھن تے کیتیاں ڳئن، انھاں ترامیم دے مثبت ثمرات وقتی عوام تئیں پڄݨ شروع تھی ویسن، 26 ویں تے 27 ویں ترمیم دے بعد سپریم کورٹ وچ مقدمات دی سماعت وچ نمایاں تیزی آئی اے۔راولپنڈی بار ایسوسی ایشن دی تقریب نال خطاب کریندے وفاقی وزیر قانون دا آکھݨ ہئی جو جیڑھے لوک چھویویں تے ستاویویں ترامیم تے تنقید کریندے پئن درحقیقت انھاں انھاں ترمیم کوں پڑھیا تے سمجھیا ای کائنی۔ انھاں واضح کیتا جوانھاں آئینی اصلاحات دا مقصد نظامِ انصاف کوں مزید موثر تے تکھے تر بݨاوݨ اے۔ اعظم نذیر تارڑ آکھیا جو پنجاب حکومت تے ہائی کورٹ کوں آمݨے سامݨے گھن آوݨ دی کوششاں کݙاہیں وی کامیاب نہ تھیسن، ادارے ہک ٻئے دے نال مل تے کم کریندے پئن۔ انھاں ݙسایا جو آوݨ آلے ہک ہفتے دے اندر پراپرٹی ڈسپوزیشن قانون تے سارے متعلقہ فریقین نال افہام و تفہیم کرڳھدی ویسی۔وفاقی وزیر قانون کچہری پراجیکٹ دے دوران جنھاں وکلاء دے چیمبرز متاثر تھئے انھاں کیتے فی چیمبر پنج پنج لکھ روپے امداد دا اعلان وی کیتا۔ انھاں دا آکھݨ ہئی جو وکلاء ساریں توں پہلے وکیل ہوندن، بعد وچ انھاں دا کہیں سیاسی جماعت نال تعلق ہوندے، وزارتِ قانون دا فرض اے جو او سارے بارز تے وکلاء کوں ہکو جیھاں  ٹریٹ کرے۔ تقریب دے موقع تے وفاقی وزیر قانون و انصاف اعظم نذیر تارڑ اسرار شہید یوتھ ہال، نیو وکلاء چیمبرز تے ہک مسجد دا افتتاح وی کیتا۔ انھاں راولپنڈی بار ایسوسی ایشن دے کردار دی تعریف کریندے آکھیے جو وکلاء برادری ہمیشہ آئین، قانون تے جمہوریت دی بالادستی کیتے اہم کردار ادا کیتے۔