اسلام آباد۔ 2 جنوری (اے پی پی) نائب وزیراعظم تے وزیر خارجہ سینیٹر محمد اسحاق ڈار دی صدارت پاکستان ایران ݙوپاسہ تعلقات دے حوالے نال بین الوزارتی اجلاس تھیا۔ دفترِ خارجہ توں جمعہ کوں جاری بیان دے مطابق اجلاس اچ مختلف شعبیاں اچ جاری تعاون دا جائزہ گھدا ڳیا اتے اقتصادی تے تجارتی تعلقات کوں ٻیا ودھاوݨ دے طریقیاں تے ڳالھ مہاڑ کیتی ڳئی۔ نائب وزیر اعظم اہم ترجیحی شعبیاں …
نائب وزیر اعظم سینیٹر محمد اسحاق ڈار دی صدارت پاکستان ایران ݙوپاسہ تعلقات دے حوالے نال بین الوزارتی اجلاس
اسلام آباد۔ 2 جنوری (اے پی پی) نائب وزیراعظم تے وزیر خارجہ سینیٹر محمد اسحاق ڈار دی صدارت پاکستان ایران ݙوپاسہ تعلقات دے حوالے نال بین الوزارتی اجلاس تھیا۔ دفترِ خارجہ توں جمعہ کوں جاری بیان دے مطابق اجلاس اچ مختلف شعبیاں اچ جاری تعاون دا جائزہ گھدا ڳیا اتے اقتصادی تے تجارتی تعلقات کوں ٻیا ودھاوݨ دے طریقیاں تے ڳالھ مہاڑ کیتی ڳئی۔ نائب وزیر اعظم اہم ترجیحی شعبیاں اچ ایران دے نال تعلقات کوں وسعت ݙیوݨ کیتے پاکستان دے عزم دا اعادہ کیتا۔ اجلاس اچ وفاقی وزیر پٹرولیم علی پرویز ملک، وزیراعظم دے معاون خصوصی طارق باجوہ، سیکرٹری خارجہ آمنہ بلوچ، سیکرٹری پٹرولیم تے وزارتِ خارجہ تے ٻئے متعلقہ وزارتاں دے اعلیٰ حکام شرکت کیتی۔
