اسلام آباد۔ 2 جنوری (اے پی پی) نائب وزیر اعظم / وزیر خارجہ سینیٹر محمد اسحاق ڈار بنگلہ دیش دی سابق وزیراعظم بیگم خالدہ ضیاء دے انتقال تے ݙکھ تے افسوس کیتے ۔تعزیتی پیغام وچ اسحاق ڈار آکھیے جو بنگلہ دیش دی سابق وزیراعظم تے بنگلہ دیش نیشنلسٹ پارٹی دی چیئرپرسن بیگم خالدہ ضیاء دے انتقال تے افسوس تھئے۔دفترِ خارجہ توں جاری بیان موجب محمد اسحاق ڈار آکھیا جو او …
وزیر خارجہ اسحاق ڈار دا بیگم خالدہ ضیاء دے انتقال ݙکھ تے افسوس
اسلام آباد۔ 2 جنوری (اے پی پی) نائب وزیر اعظم / وزیر خارجہ سینیٹر محمد اسحاق ڈار بنگلہ دیش دی سابق وزیراعظم بیگم خالدہ ضیاء دے انتقال تے ݙکھ تے افسوس کیتے ۔تعزیتی پیغام وچ اسحاق ڈار آکھیے جو بنگلہ دیش دی سابق وزیراعظم تے بنگلہ دیش نیشنلسٹ پارٹی دی چیئرپرسن بیگم خالدہ ضیاء دے انتقال تے افسوس تھئے۔دفترِ خارجہ توں جاری بیان موجب محمد اسحاق ڈار آکھیا جو او عوام تے حکومتِ پاکستان دی طرفوں بنگلہ دیش دی حکومت تے عوام، مرحومہ دے اہل خانہ تے حامیاں نال دلی تعزیت دا اظہار کریندن۔ بیگم خالدہ ضیاء اپݨی زندگی عوامی خدمت تے اپݨی قوم دی فلاح و بہبود کیتے وقف رکھی، اوکھے ویلھے انھاں دی استقامت تے قیادت ہک دیرپا ورثہ چھوڑ ڳئی اے، انھاں کوں ملک تے عوام دی خدمت کوں قدر دی نگاہ نال ݙیکھݨ آلیں دی طرفوں ہمیشہ احترام نال یاد رکھیا ویسی۔ انھاں آکھیا جو ایں اوکھے ویلھے اچ پاکستان دے عوام بنگلہ دیش دے عوام نال یکجہتی دا اظہار کریندن
