کراچی۔ 2 جنوری (اے پی پی) رینجرز ٹریننگ سینٹر اینڈ سکول کراچی وچ ریکروٹس دی 33 ویں پاسنگ آؤٹ پریڈ دی پروقار تقریب منعقد تھئی جیندے وچ وفاقی وزیر داخلہ محسن نقوی بطور مہمانِ خصوصی شرکت کیتی۔ تقریب وچ پڄݨ تے ڈی جی پاکستان رینجرز (سندھ) انھاں دا استقبال کیتا جیندے بعد رینجرز دے دستے مہمانِ خصوصی کوں سلامی پیش کیتی۔وفاقی وزیر داخلہ پریڈ دا معائنہ کیتا تے بہترین کارکردگی …
رینجرز ٹریننگ سینٹر کراچی وچ 33 ویں پاسنگ آؤٹ پریڈ، وفاقی وزیر داخلہ محسن نقوی دی بطور مہمانِ خصوصی شرکت
کراچی۔ 2 جنوری (اے پی پی) رینجرز ٹریننگ سینٹر اینڈ سکول کراچی وچ ریکروٹس دی 33 ویں پاسنگ آؤٹ پریڈ دی پروقار تقریب منعقد تھئی جیندے وچ وفاقی وزیر داخلہ محسن نقوی بطور مہمانِ خصوصی شرکت کیتی۔ تقریب وچ پڄݨ تے ڈی جی پاکستان رینجرز (سندھ) انھاں دا استقبال کیتا جیندے بعد رینجرز دے دستے مہمانِ خصوصی کوں سلامی پیش کیتی۔وفاقی وزیر داخلہ پریڈ دا معائنہ کیتا تے بہترین کارکردگی ݙکھاوݨ آلے ریکروٹس وچ انعامات ونڈئے۔ ایں موقع تے کیمل سکواڈ تے اینٹی ٹیرارسٹ سکواڈ دے جواناں پیشہ ورانہ مہارت دے مظاہرے کیتے۔ محسن نقوی پاس آؤٹ تھیوݨ آلے جواناں کوں مبارخ ݙیندے پاکستان رینجرز (سندھ) دی صلاحیتاں دی تعریف کیتی۔ انھاں مئی 2025 وچ “آپریشن بنیان مرصوص” دے دوران پاک فوج دے مونڈھے نال مونڈھا رلا تے رینجرز دے کردار دی خصوصی تعریف کیتی تے شہیداں دی قربانیاں کوں خراجِ عقیدت پیش کیتا۔
