اسلام آباد۔ 2 جنوری (اے پی پی) وفاقی وزیر پٹرولیم علی پرویز ملک نال پاکستان وچ سعودی عرب دے سفیر نواف بن سعید احمد المالکی ملاقات کیتی جیندے وچ معدنیات تے توانائی دے شعبیں وچ تعاون تے ڳالھ مہاڑ کیتی ڳئی ۔ وفاقی وزیر آکھیا جو پاکستان تے سعودی عرب دے تعلقات مشترکہ مذہبی و ثقافتی اقدار تے مبنی ہن۔انھاں سفیر کوں ݙسایا جو سعودی عرب دی دعوت تے پاکستان …
وفاقی وزیر پٹرولیم علی پرویز ملک نال سعودی عرب دے سفیر نواف بن سعید احمد المالکی دی ملاقات
اسلام آباد۔ 2 جنوری (اے پی پی) وفاقی وزیر پٹرولیم علی پرویز ملک نال پاکستان وچ سعودی عرب دے سفیر نواف بن سعید احمد المالکی ملاقات کیتی جیندے وچ معدنیات تے توانائی دے شعبیں وچ تعاون تے ڳالھ مہاڑ کیتی ڳئی ۔ وفاقی وزیر آکھیا جو پاکستان تے سعودی عرب دے تعلقات مشترکہ مذہبی و ثقافتی اقدار تے مبنی ہن۔انھاں سفیر کوں ݙسایا جو سعودی عرب دی دعوت تے پاکستان اڄوکے مہینے دے چھیکڑ وچ ریاض وچ تھیوݨ آلے “فیوچر منرلز فورم” (FMF) وچ بھرپور شرکت کریسی۔ پاکستان ایں فورم وچ “پاکستان: دی منرل مارول” دے ناں نال ہک خصوصی پویلین لیسی تاں جو دنیا کوں اپݨے معدنی وسائل دے بارے ݙسا سڳے۔ وفاقی وزیر آکھیا جو اے پویلین اپریل 2026 وچ اسلام آباد وچ تھیوݨ آلے “منرل انویسٹمنٹ فورم” کیتے وی اہم ثابت تھیسی۔ سعودی سفیر پاکستان دی شرکت دا خیرمقدم کیتا تے آکھیا جو ݙوہیں ملکاں وچال توانائی دے شعبے وچ تعاون دے وسیع امکانات موجود ہن۔
