اسلام آباد۔ 3 جنوری (اے پی پی) وفاقی وزیر داخلہ محسن نقوی تیمور ویپن سسٹم دے کامیاب فلائٹ ٹیسٹ تے پاکستان ایئر فورس کوں مبارخ ݙیندے آکھیے جو تیمور ویپن سسٹم نال پاکستان دی دفاعی صلاحیتاں وچ نمایاں ودھارا تھیسی۔ اپݨے بیان وچ وفاقی وزیر داخلہ آکھیا جو پاک فضائیہ ہک ٻیا قابلِ فخر کارنامہ سر انجام ݙتے۔ محسن نقوی آکھیا جو چیف آف ڈیفنس فورسز فیلڈ مارشل جنرل سید …
وزیر داخلہ محسن نقوی دا تیمور ویپن سسٹم دے کامیاب فلائٹ ٹیسٹ تے پاکستان ایئر فورس کوں مبارخ
اسلام آباد۔ 3 جنوری (اے پی پی) وفاقی وزیر داخلہ محسن نقوی تیمور ویپن سسٹم دے کامیاب فلائٹ ٹیسٹ تے پاکستان ایئر فورس کوں مبارخ ݙیندے آکھیے جو تیمور ویپن سسٹم نال پاکستان دی دفاعی صلاحیتاں وچ نمایاں ودھارا تھیسی۔ اپݨے بیان وچ وفاقی وزیر داخلہ آکھیا جو پاک فضائیہ ہک ٻیا قابلِ فخر کارنامہ سر انجام ݙتے۔ محسن نقوی آکھیا جو چیف آف ڈیفنس فورسز فیلڈ مارشل جنرل سید عاصم منیر تے ایئر چیف مارشل ظہیر احمد بابر سدھو دی قیادت وچ پاک فضائیہ دفاعی میدان وچ ہک ٻئی کامیابی حاصل کیتی اے، ملکی دفاع کیتے ہک اہم سنگِ میل کوں پار کرݨ تے پی اے ایف دے انجینئرز تے سائنسداناں کوں خراجِ تحسین پیش کرینداں۔ انھاں آکھیا جو مقامی سطح تے تیار کردہ تیمور ویپن سسٹم قومی خود انحصاری دی مضبوط علامت اے، اساں سائنسداناں تے انجینئرز دی محنت تے پیشہ ورانہ مہارت دی تعریف کریندوں
