لاہور۔ 3 جنوری (اے پی پی) وفاقی وزیر منصوبہ بندی و ترقی پروفیسر احسن اقبال آکھیے جو انجینئرز دا ملکی ترقی وچ کلیدی کردار اے، ملکی معیشت ٹھیک رستے تے چل پئی اے، 2035 تئیں ملک کوں ہک ٹریلین ڈالر دی معیشت بݨیسوں، حکومت جوان انجینئرز کوں روزگار ݙیوݨ کیتے انٹرن شپ پروگرام شروع کرݨ ویندی پئی اے، ہر شعبہ زندگی وچ تحقیق تے جدت کوں ودھارا ݙیوݨ لازمی اے۔ …
ملکی ترقی وچ انجینئرز دا کلیدی کردار، معرکہ حق دے بعد معرکہ ترقی وچ وی کامیابی حاصل کریسوں، احسن اقبال
لاہور۔ 3 جنوری (اے پی پی) وفاقی وزیر منصوبہ بندی و ترقی پروفیسر احسن اقبال آکھیے جو انجینئرز دا ملکی ترقی وچ کلیدی کردار اے، ملکی معیشت ٹھیک رستے تے چل پئی اے، 2035 تئیں ملک کوں ہک ٹریلین ڈالر دی معیشت بݨیسوں، حکومت جوان انجینئرز کوں روزگار ݙیوݨ کیتے انٹرن شپ پروگرام شروع کرݨ ویندی پئی اے، ہر شعبہ زندگی وچ تحقیق تے جدت کوں ودھارا ݙیوݨ لازمی اے۔ انھاں اے ڳالھ یونیورسٹی آف انجینئرنگ اینڈ ٹیکنالوجی (یو ای ٹی) لاہور دی سالانہ ایلومنائی تقریب وچ بطور مہمانِ خصوصی خطاب کریندے آکھی۔وفاقی وزیر آکھیا جو یو ای ٹی دے ایلومنائی دی حیثیت نال اپݨی مدرِ علمی وچ آ تے خطاب کرݨ تے فخر محسوس تھیندا پئے، میں وی یو ای ٹی دا گریجویٹ ہاں تے ایں جامعہ توں ٻہوں کجھ سکھئے۔ انھاں آکھیا جو انجینئرز ملکی ترقی وچ ریڑھ دی ہݙی دی حیثیت رکھیندن، سڑکاں، پل، ڈیم، بجلی دے نظام تے آئی ٹی انجینئرز دی مہارت دے مرہونِ منت ہن۔ احسن اقبال آکھیا جو پاکستان کوں پائیدار ترقی دے رستے تے پاوݨ کیتے علم تے مبنی معیشت ول ونڄݨا ہوسی۔ انھاں ݙسایا جو حکومت جوان انجینئرز کیتے انٹرن شپ پروگرام شروع کریندی پئی اے، جیویں ڈاکٹرز کیتے ہاؤس جاب لازمی ہوندی اے، ایویں ای ترقیاتی کماں وچ انجینئرز کیتے ہک سال دی انٹرن شپ لازمی کیتی ویسی تے انھاں کوں وظیفہ وی ملسی۔ انھاں آکھیا جو وزیراعظم محمد شہباز شریف دی قیادت وچ معیشت صحیح پاسے وچ اے تے مہانگ وچ واضح کمی تھئی اے
