وزیراعظم شہباز شریف دا برفباری توں متاثر برزل پاس وچ کلیئرنس آپریشن دے دوران سنو سلائیڈنگ دے نتیجے وچ جامِ شہادت نوش کرݨ آلے جواناں کوں خراجِ تحسین

لاہور۔ 3 جنوری (اے پی پی) وزیراعظم محمد شہباز شریف برفباری توں متاثر برزل پاس وچ کلیئرنس آپریشن دے دوران سنو سلائیڈنگ دے نتیجے وچ جامِ شہادت نوش کرݨ آلے پاک فوج دے کیپٹن اصمد، سپاہی رضوان تے سویلین مشین آپریٹر عیسیٰ کوں خراجِ تحسین پیش کیتے۔ وزیراعظم دفتر دے میڈیا ونگ توں جاری بیان موجب وزیراعظم شہداء دے بلندیِ درجات کیتے دعا کیتی تے انھاں دے اہل خانہ نال تعزیت دا اظہار کیتا۔ وزیراعظم آکھیا جو شہداء اپݨی جان دی پرواہ نہ کریندے برفباری توں متاثر برزل پاس کھولݨ دا کم جاری رکھیا تے آونڄ یقینی بݨاوݨ وچ اپݨا کردار ادا کیتا، قوم شہداء کوں سلام پیش کریندی اے۔