پاکستان اپݨے وسیع تر خطے وچ امن، استحکام تے ترقی دے ودھارے کیتے میانمار دے نال رل تے کم کرݨ کوں اہمیت ݙیندے، صدرِ مملکت آصف علی زرداری

اسلام آباد۔ 4 جنوری (اے پی پی)صدرِ مملکت آصف علی زرداری آکھیے جو پاکستان اپݨے وسیع تر خطے وچ امن، استحکام تے ترقی دے ودھارے کیتے میانمار دے نال رل تے کم کرݨ کوں اہمیت ݙیندے، ݙوہیں ملک اقوامِ متحدہ تے ٻئے بین الاقوامی فورمز دے متحرک رکن ہن۔ ایوانِ صدر دے میڈیا ونگ موجب انہاں اے ڳالھ جمہوریہ میانمار دے یومِ آزادی دے موقع تے میانمار دے قائم مقام صدر من آنگ ہلینگ دے ناں تہنیتی پیغام وچ آکھی۔ صدرِ مملکت آکھیا جو پاکستان تے میانمار دے درمیان خوشگوار تعلقات دی ہک لمبی تاریخ اے جیڑھی سانجھے احترام تے افہام و تفہیم تے قائم اے۔ انھاں آکھیا جو وقت دے نال نال اساݙے تعلقات وچ بہتری آئی اے تے تجارت، دفاع، صحت تے ثقافت وچ تعاون ودھارا تھئے۔ صدر آصف علی زرداری آکھیا جو اساں وسیع تر علاقائی رابطیں دی اہمیت کوں وی منیندے ہیسے تے پاکستان آسیان دے رکن ملکاں بشمول میانمار دے نال رابطے تکڑے کرݨ وچ دلچسپی رکھیندے