اسلام آباد۔ 4 جنوری (اے پی پی) صدرِ مملکت آصف علی زرداری پورے پاکستان وچ بینائی توں محروم لوکاں کوں دلی مبارخ ݙیندے انھاں دے وقار، حقوق تے قومی زندگی وچ بھرپور شمولیت دے عزم دا اعادہ کیتے۔ ایوانِ صدر دے پریس ونگ موجب اے ڳالھ انہاں عالمی یومِ بریل دے موقع تے اپݨے پیغام وچ آکھی۔انھاں آکھیا جو بریل دا عالمی ݙینھ لوئس بریل دے یومِ پیدائش دے موقع …
صدر آصف علی زرداری دا عالمی یومِ بریل تے پیغام
اسلام آباد۔ 4 جنوری (اے پی پی) صدرِ مملکت آصف علی زرداری پورے پاکستان وچ بینائی توں محروم لوکاں کوں دلی مبارخ ݙیندے انھاں دے وقار، حقوق تے قومی زندگی وچ بھرپور شمولیت دے عزم دا اعادہ کیتے۔ ایوانِ صدر دے پریس ونگ موجب اے ڳالھ انہاں عالمی یومِ بریل دے موقع تے اپݨے پیغام وچ آکھی۔انھاں آکھیا جو بریل دا عالمی ݙینھ لوئس بریل دے یومِ پیدائش دے موقع تے منایا ویندے جنھاں دے ایجاد کردہ بریل رسم الخط پوری دنیا وچ لکھاں افراد کیتے تعلیم، معلومات تے خود انحصاری تئیں رسائی کوں ممکن بݨایا۔ صدرِ مملکت آکھیا جو بریل محض پڑھݨ تے لکھݨ دا ذریعہ کائنی بلکہ اے آزادی، اعتماد تے مساوی موقع دی ہک پائیدار علامت اے۔ انھاں آکھیا جو پاکستان دی بنیاد مساوات، سماجی انصاف تے انسانی وقار دے احترام دے اصولاں تے رکھی ڳئی ہئی۔ ہک قوم دے طور تے اساݙی ترقی ایں ڳالھ نال مشروط اے جو ہر شہری کوں معاشرے وچ بامعنی کردار ادا کرݨ دے موقع میسر ہوون۔صدرِ مملکت آکھیا جو بینائی توں محروم لوکاں کیتے قابلِ رسائی تعلیم، جامع عوامی خدمات تے مساوی موقع ݙیوݨ نہ صرف ہک آئینی ذمہ واری بلکہ ہک اخلاقی فریضہ وی اے۔ انھاں آکھیا جو پاکستان بریل خواندگی دے ودھارے، جامع نصاب تے معاون ڈیجیٹل ٹیکنالوجیز دے استعمال کیتے پرعزم اے تاں جو تعلیم تے معلومات تئیں رسائی کوں مزید وسعت ݙتی ونڄ سڳے۔ ایندے نال نال عوامی عمارتاں، سرکاری خدمات تے ڈیجیٹل پلیٹ فارمز وچ قابلِ رسائی معیارات دا نفاذ وی نہایت اہم اے تاں جو کوئی وی فرد شہری زندگی توں محروم نہ رہے۔ صدر آکھیا جو پاکستان معذور لوکاں دے حقوق متعلق اقوامِ متحدہ دے کنونشن تے پائیدار ترقی دے اہداف سودھے اپݨی بین الاقوامی ذمہ واریاں دی پاسداری جاری رکھی ہوئی اے جیڑھے باوقار تے مساوی حقوق تے مبنی جامع تے منصفانہ معاشریں دے قیام تے زور ݙیندن۔انھاں آکھیا جو میں بینائی توں محروم لوکاں دی ثابت قدمی تے عزم کوں خراجِ تحسین پیش کرینداں، ایندے نال انھاں استاداں، والدین، ݙیکھ بھال کرݨ آلے تے تنظیماں کوں وی سلام پیش کرینداں جیڑھے ملک وچ بریل دی تعلیم تے سماجی شمولیت دے ودھارے کیتے انتھک محنت کریندے پئن۔ انھاں دی کوششاں خودمختاری تے خود انحصاری دیاں راہواں ہموار کرݨ وچ کلیدی کردار ادا کریندن۔ صدرِمملکت آکھیا جو ایں موقع تے میں وفاقی و صوبائی حکومتاں، اداریں، سول سوسائٹی، نجی شعبے تے پوری قوم توں اپیل کرینداں جو او سانجھے تعاون نال رکاوٹاں مکاوݨ ، قابلِ رسائی سہولتاں دے ودھارے تے ہمدردی و شمولیت تے مبنی نظام دے ودھارے سانڳے کم کرن۔ ایویں اساں ہک ایجھے پاکستان دے قیام دے نیڑے پڄ سڳدوں جِتھاں ہر فرد کوں اپݨی مکمل صلاحیتاں کوں بروئے کارگھن آوݨ دے موقع حاصل ہوون
