نائب وزیراعظم اسحاق ڈار تے بنگلہ دیش دے مشیرِ خارجہ دا ٹیلیفونک رابطہ، مختلف شعبیں اچ تعاون مزید ودھاوݨ دا عزم

بیجنگ۔ 4 جنوری (اے پی پی) نائب وزیراعظم / وزیرِ خارجہ اسحاق ڈار بنگلہ دیش دے مشیرِ خارجہ محمد توحید حسین نال ٹیلیفون تے ڳالھ کیتی اے۔ ݙوہیں رہنماواں پاکستان بنگلہ دیش تعلقات دا جائزہ ڳھدا تے مختلف شعبیں وچ تعاون مزید ودھاوݨ دے عزم دا اعادہ کیتا۔ دفترِ خارجہ توں جاری بیان موجب ݙوہیں رہنماواں ایشیا تے مشرقِ وسطیٰ وچ اڄوکی پیشرفت تے وی ڳالھ کیتی تے بدلدی صورتحال دے تناظر وچ نیڑے رابطے وچ رہݨ تے اتفاق کیتا۔