شنگھائی۔ 5 جنوری (اے پی پی) وفاقی وزیرِ داخلہ تے نارکوٹکس کنٹرول محسن نقوی چین دے دورے دے پہلے مرحلے اچ شنگھائی دے سپیشل پولیس فورس بیورو دا دورہ کیتا۔ چیف آف کمانڈنگ سنٹر سپیشل پولیس فورس بیورو ژیاؤ وزیرِ داخلہ محسن نقوی دا خیر مقدم کیتا۔ وزیرِ داخلہ محسن نقوی کوں شنگھائی سپیشل پولیس فورس بیورو دے بارے تفصیلی بریفنگ ݙتی ڳئی۔ وزیرِ داخلہ محسن نقوی فورس دے زیرِ …
وفاقی وزیرِ داخلہ تے نارکوٹکس کنٹرول محسن نقوی دا شنگھائی دے سپیشل پولیس فورس بیورو دا دورہ
شنگھائی۔ 5 جنوری (اے پی پی) وفاقی وزیرِ داخلہ تے نارکوٹکس کنٹرول محسن نقوی چین دے دورے دے پہلے مرحلے اچ شنگھائی دے سپیشل پولیس فورس بیورو دا دورہ کیتا۔ چیف آف کمانڈنگ سنٹر سپیشل پولیس فورس بیورو ژیاؤ وزیرِ داخلہ محسن نقوی دا خیر مقدم کیتا۔ وزیرِ داخلہ محسن نقوی کوں شنگھائی سپیشل پولیس فورس بیورو دے بارے تفصیلی بریفنگ ݙتی ڳئی۔ وزیرِ داخلہ محسن نقوی فورس دے زیرِ استعمال اے پی سی (APC)، بم ڈسپوزل یونٹ دے آلات تے جدید اسلحہ ݙٹھا۔ انھاں جدید ترین واٹر کینن تے ٻئے آلات دا وی معائنہ کیتا۔ وزیرِ داخلہ محسن نقوی سپیشل فورس دی پیشہ ورانہ مہارت تے تربیت دے عملی مظاہرے ݙٹھے۔ انھاں شنگھائی سپیشل پولیس فورس ولوں مارشل آرٹ دا مظاہرہ ݙٹھا۔ وزیرِ داخلہ محسن نقوی شنگھائی سپیشل پولیس فورس کوں جدید خطوط تے استوار کرݨ دے نظام کوں سراہندے ہوئیں آکھیا جو شنگھائی سپیشل پولیس فورس تے اسلام آباد پولیس فورس وچال آپسی تعاون کوں مضبوط بݨایا ویسی، شنگھائی سپیشل پولیس فورس دی تربیت دا اعلیٰ معیار قابلِ تحسین اے۔ وفاقی سیکرٹری داخلہ محمد خرم آغا، آئی جی اسلام آباد پولیس علی ناصر رضوی تے چیف کمشنر اسلام آباد محمد علی رندھاوا وی نال ہن۔
