نائب وزیراعظم اتے وزیرِ خارجہ سینیٹر محمد اسحاق ڈار دا بیجنگ اچ پاکستان دے سفارت خانے دا دورہ، سفیر خلیل ہاشمی، سفارت خانے دی ٹیم دی لگن تے محنت کوں سراہیا

بیجنگ۔ 5 جنوری (اے پی پی) نائب وزیراعظم تے وزیرِ خارجہ سینیٹر محمد اسحاق ڈار بیجنگ اچ پاکستان دے سفارت خانے دا دورہ کیتا۔ سنوار کوں دفترِ خارجہ توں جاری بیان موجب نائب وزیراعظم تے وزیرِ خارجہ سفارت خانے دے تزئین تے آرائش شدہ عوامی مقامات دا معائنہ کیتا، جِتھاں روایتی تے جدید طرزِ تعمیر دا خوبصورت امتزاج نظر آندے۔ افسراں نال ڳالھ مہاڑ دے دوران انھاں چین اچ رہݨ آلے پاکستانیاں کوں قونصلر خدمات دی فراہمی، انھاں دی معاونت تے پاکستان دا مثبت تشخص اجاگر کرݨ دے نال نال ݙوپاسہ تعلقات دے فروغ اچ سفارت خانے دے اہم کردار کوں اجاگر کیتا۔ نائب وزیراعظم تے وزیرِ خارجہ چین اچ پاکستان دے سفیر خلیل ہاشمی تے سفارت خانے دی ٹیم دی لگن تے محنت کوں سراہیا۔