اسلام آباد۔ 7 جنوری (اے پی پی) چیئرمین سینیٹ سید یوسف رضا گیلانی سابق وزیراعلیٰ پنجاب میاں منظور وٹو دے انتقال تے تعزیت کیتے انھاں دی رہائش گاہ ڳئے۔ چیئرمین سینیٹ مرحوم دے اہل خانہ نال ݙکھ تے افسوس دا اظہار کیتا اتے میاں منظور وٹو دے ایصالِ ثواب کیتے فاتحہ خوانی اتے دعائے مغفرت کیتی۔ ایں موقع تے چیئرمین سینیٹ سید یوسف رضا گیلانی دعا کیتی جو اللہ تعالیٰ …
چیئرمین سینیٹ سید یوسف رضا گیلانی سابق وزیراعلیٰ پنجاب میاں منظور وٹو دے انتقال تے انھاں دے گھر ونڄ تے تعزیت کیتی
اسلام آباد۔ 7 جنوری (اے پی پی) چیئرمین سینیٹ سید یوسف رضا گیلانی سابق وزیراعلیٰ پنجاب میاں منظور وٹو دے انتقال تے تعزیت کیتے انھاں دی رہائش گاہ ڳئے۔ چیئرمین سینیٹ مرحوم دے اہل خانہ نال ݙکھ تے افسوس دا اظہار کیتا اتے میاں منظور وٹو دے ایصالِ ثواب کیتے فاتحہ خوانی اتے دعائے مغفرت کیتی۔ ایں موقع تے چیئرمین سینیٹ سید یوسف رضا گیلانی دعا کیتی جو اللہ تعالیٰ مرحوم کوں جنت الفردوس اچ اعلیٰ مقام عطا فرماوے اتے سوگوار خاندان کوں اے وݙا صدمہ صبر، حوصلے تے استقامت نال برداشت کرݨ دی توفیق ݙیوے۔ انھاں آکھیا جو میاں منظور وٹو دی سیاسی، سماجی تے عوامی خدمات کوں ہمیشہ یاد رکھیا ویسی۔ چیئرمین سینیٹ آکھیا جو بطور وزیراعلیٰ پنجاب میاں منظور وٹو دی خدمات قابلِ تحسین ہن، انھاں کوں صوبائی اسمبلی اچ قانون سازی تے انتظامی امور دا وݙا تجربہ ہئی جئیں پاروں انھاں عوامی مفاد اچ اہم کردار ادا کیتا۔
