نائب وزیراعظم اسحاق ڈار دا سابق وزرائے خارجہ، سابق سیکرٹریز خارجہ امور تے پاکستانی سفیراں نال مشاورتی اجلاس

اسلام آباد۔ 7 جنوری (اے پی پی) نائب وزیراعظم تے وزیر خارجہ سینیٹر محمد اسحاق ڈار اتھاں سابق وزرائے خارجہ، سابق سیکرٹریز خارجہ امور تے دنیا دے مختلف خطیں وچ پاکستان دے سفیراں دے نال ہک مشاورتی اجلاس دی صدارت کیتی۔ دفتر خارجہ توں جاری بیان موجب اجلاس وچ اڄوکی علاقائی تے بین الاقوامی پیشرفت دا جائزہ ڳھدا ڳیا تے پاکستان دے ݙو طرفہ تے کثیر الجہتی تعلقات کوں مزید مضبوط بݨاوݨ دے طریقیں تے ڳالھ مہاڑ کیتی ڳئی۔